Foto: spk-taraz.kz
Jambyl oblysynyń ákimdigi jaqyn mańdaǵy eki aýdannyń jerin qosý arqyly Taraz qalasynyń aýmaǵyn keńeitýdi josparlap otyr. Tiisti qujat qoǵamdyq talqylaýǵa shyǵaryldy, dep habarlaidy Azattyq Rýhy.
Qazir qalanyń aýdany 18 787 ga quraidy, eki aýdan qosylǵannan keiin ol 31 798,7 ga bolady dep kútiledi.
«Jambyl oblysy ákimdiginiń qaýlysyna jáne Jambyl oblystyq máslihatynyń sheshimine qosymshaǵa sáikes Jambyl aýdanynyń jalpy aýdany 11 257,9181 gektar jerdiń bir bóligin, Baizaq aýdanynyń jalpy aýdany 1 761,2014 gektar jerdiń bir bóligin Taraz qalasynyń shekarasyna qosý arqyly qala shekaralary ózgertilsin, jalpy aýdany 31 798,0742 gektar shekara belgilensin», - delingen qujatta.
Ákimdik bul sharalar qurylys qarqynyn arttyrýǵa jáne halyqty turǵyn úimen qamtamasyz etýge múmkindik beretinin túsindirdi.
Oblys ortalyǵyna eki aýdannyń 14 eldi mekeni qosylady.
Qujattyń jobasy «Ashyq NQA» portalynda 5 tamyzǵa deiin jariia talqylaý úshin jariialandy.
