Biyl eldegi tótenshe jaǵdaiǵa bailanysty Ramazan aiynda meshitte taraýyq namazy oqylmaidy, aýyzashar dastarhany jaiylmaidy. Almaty qalasy ortalyq meshitiniń bas imamy Erkinbek Shoqai brifing barysynda osylai aitty, dep habarlaidy "Ult aqparat".
«Bas múfti Dini basqarmanyń qaramaǵyndaǵy ǵulamalar keńesiniń sheshimimen biyl jamaǵattardyń jáne otbasylarynyń amandyǵy úshin beretin jyldaǵy pitir-sadaqanyń mólsherin jan basyna shaqqanda 370 teńge dep bekitti. Alaida keibir azamattarymyz otbasym úshin kóbirek beremin dep niet etip jatsa odan artyq bere berýine bolady», - dedi Erkinbek Shoqai.
Sonymen qatar, ol eldegi tótenshe jaǵdaiǵa bailanysty jamaǵattyń meshitke kelýine tyiym salynǵanyn aitty.
«Biylǵy Ramazan aiyndaǵy taraýyq namazdy ár adam óz úiinde oqidy. Meshitke kelýge bolmaidy. Bul ózimizdiń qaýipsizdigimiz úshin qajet. Sol siiaqty aýyzashar dastarhandaryn da otbasymen birge ótkizgen abzal. Biyl Qadir túni 19 mamyrdan 20 mamyrǵa qaraǵan túni dep bekitildi. Búgingi kesh Ramazanyń alǵashqy kúni bolyp esepteledi. Osy sebepti musylman jamaǵaty búgin keshke taraýyq namazyn oqidy. Nietterińiz qabyl bolsyn», - dedi Almaty qalasy ortalyq meshitiniń bas imamy Erkinbek Shoqai.
