بيىل ەلدەگٸ تٶتەنشە جاعدايعا بايلانىستى رامازان ايىندا مەشٸتتە تاراۋىق نامازى وقىلمايدى, اۋىزاشار داستارحانى جايىلمايدى. الماتى قالاسى ورتالىق مەشٸتٸنٸڭ باس يمامى ەركٸنبەك شوقاي بريفينگ بارىسىندا وسىلاي ايتتى, دەپ حابارلايدى "ۇلت اقپارات".
«باس مٷفتي دٸني باسقارمانىڭ قاراماعىنداعى عۇلامالار كەڭەسٸنٸڭ شەشٸمٸمەن بيىل جاماعاتتاردىڭ جەنە وتباسىلارىنىڭ اماندىعى ٷشٸن بەرەتٸن جىلداعى پٸتٸر-ساداقانىڭ مٶلشەرٸن جان باسىنا شاققاندا 370 تەڭگە دەپ بەكٸتتٸ. الايدا كەيبٸر ازاماتتارىمىز وتباسىم ٷشٸن كٶبٸرەك بەرەمٸن دەپ نيەت ەتٸپ جاتسا ودان ارتىق بەرە بەرۋٸنە بولادى», - دەدٸ ەركٸنبەك شوقاي.
سونىمەن قاتار, ول ەلدەگٸ تٶتەنشە جاعدايعا بايلانىستى جاماعاتتىڭ مەشٸتكە كەلۋٸنە تىيىم سالىنعانىن ايتتى.
«بيىلعى رامازان ايىنداعى تاراۋىق نامازدى ەر ادام ٶز ٷيٸندە وقيدى. مەشٸتكە كەلۋگە بولمايدى. بۇل ٶزٸمٸزدٸڭ قاۋٸپسٸزدٸگٸمٸز ٷشٸن قاجەت. سول سيياقتى اۋىزاشار داستارحاندارىن دا وتباسىمەن بٸرگە ٶتكٸزگەن ابزال. بيىل قادٸر تٷنٸ 19 مامىردان 20 مامىرعا قاراعان تٷنٸ دەپ بەكٸتٸلدٸ. بٷگٸنگٸ كەش رامازانىڭ العاشقى كٷنٸ بولىپ ەسەپتەلەدٸ. وسى سەبەپتٸ مۇسىلمان جاماعاتى بٷگٸن كەشكە تاراۋىق نامازىن وقيدى. نيەتتەرٸڭٸز قابىل بولسىن», - دەدٸ الماتى قالاسى ورتالىق مەشٸتٸنٸڭ باس يمامى ەركٸنبەك شوقاي.
