Foto: ©RIA Novosti
Qorǵanys ministriniń orynbasary Sultan Kamaletdinov Resei men Ýkraina qaqtyǵysy týraly aitty, - dep habarlaidy Tengrinews.kz.
"Resei men Ýkraina arasyndaǵy qaqtyǵystyń Qazaqstanǵa esh qatysy joq. Biz taraptardyń eshqaisyn qoldamaimyz. Bul turǵyda suraq týyndaýy múmkin emes", - dedi Kamaletdinov Senat otyrysynda.
Jýrnalister Kamaletdinovten Qazaqstan Qarýly Kúshteri qaýipsizdikti qamtamasyz ete ala ma dep surady.
"Árine, bul másele bárin alańdatady. Keshe ministr aitqandai, Qarýly Kúshter qoiylǵan mindetterdi oryndaýǵa daiyn dep úmittenemiz. Kepildik (Qazaqstandaǵy beibitshilik pen qaýipsizdikke - esk.), árine beremiz, bul anyq. Memlekettegi Qarýly Kúshter, basqa da áskerler men áskeri quramalar sol úshin, óitkeni mindetimiz - egemendik pen aýmaqtyq tutastyqty qamtamasyz etý", - dep sendirdi Kamaletdinov.
