Premer-ministr Álihan Smaiylov áleýmettik jelidegi paraqshasyna saýal joldaǵan árbir adamnyń máselesin muqiiat zerdelep shyǵýǵa ýáde etti, dep habarlaidy Sputnik Qazaqstan.
Bir kúnniń ishinde oǵan 15 myńnan astam adam jazyldy. Halyq Premer-ministrdi birden suraqtyń astyna aldy.
Aimaqtardan pikir jazǵandar jol men sý máselesin kóterse, aqtóbelikter sý tasqynyn tezirek sheshýdi surap otyr.
Astanadan úleskerler shaǵymdandy. Keibir adamdar úkimetten memlekettik tilde sóileýdi talap etipti. Ulttyq ideologiia týraly sóz qozǵaǵandar da bar.
Al jýrnalister Premer-ministrdi erkin áńgimege shaqyrdy. Jeli qoldanýshylary arasynda Úkimet basshysyna usynys jasaǵandar da boldy.
Búgin ol belsendilik tanytqan barlyq adamǵa alǵys bildirip, óz keńsesine tiisti tapsyrma bergenin jetkizdi.
"QR Premer-ministri keńsesine qoiylǵan árbir suraq pen kóterilgen árbir problemany muqiiat zerdeleýge tapsyrma berdim. Ókinishke qarai, jumys babyna bailanysty sizderdiń barlyq suraǵyńyzǵa jeke jaýap bere almaýym múmkin. Dese de, eshbir ózekti suraq jaýapsyz qalmaitynyn jáne olarǵa quzyrly organdar mindetti túrde jaýap beretinin jetkizgim keledi", - dep jazdy Smaiylov.
Aita keteiik, kúni keshe Úkimet basshysy áleýmettik jelide jeke paraqshasyn ashqan edi.
