Tanzaniia prezidenti Djon Magýfýli 61 jasyna qaraǵan shaǵynda Dar-es-Salamnyń aýrýhanasynda qaitys boldy, dep habarlaidy CNN.
«Prezident Djon Magýfýli 10 jyldan astam ýaqyt boiy kúresken júrek aýrýynan qaitys boldy», – dedi Tanzaniia prezidentiniń mindetin atqarýshy Samia Sýlýhý Hasan. Ol prezidenttiń jeksenbiden bastap Mizena aýrýhanasynda emdelgenin aitty. Hasan 14 kúndik ulttyq aza tutýdy jariialady
Prezidenttiń qaitys bolǵany týraly belgili bolǵan kezde oppozitsiia jetekshisi Zitto Kabve Magýfýlidiń otbasyna kóńil aitty. Ol sondai-aq Hasanǵa «izgi nietin bildirip, batyldyq pen shydamdylyq» tiledi.
Ulybritaniia Premer-ministri Boris Djonson Magýfýlidiń qaitys bolýyna bailanysty kóńil aitqan alǵashqy álemdik kóshbasshylardyń biri boldy.
Pandemiia bastalǵan shaqta Magýfýli Tanzaniiadaǵy koronavirýstyń bar ekendigine kúmán keltirip, aýrýdan qorǵaný úshin duǵa etý kerektigi týraly aitty.
Maýsym aiynda ol eliniń koronavirýsty «Qudaidyń raqymymen» jeńgenin aitty. Sondai-aq sheteldik Covid-19 vaktsinalarynyń qaýipsizdigine kúmán keltirdi jáne emdeý úshin emdik shópter men ingaliatsiialardy qoldanýdy usynyp, elde eshqandai vaktsina jasaýdy josparlamady.
Tanzaniia 2020 jyldyń sáýirinen bastap Covid-19 jaǵdailary týraly málimet bergen joq. Tek Ótken aida AQSh-tyń Dar-es-Salamdaǵy elshiligi qańtar aiynan bastap Covid-19 oqiǵalarynyń sany artyp kele jatqanyn eskertken bolatyn.
