TMD elderi men Qazaqstandaǵy iri analitikalyq foreks-broker departamenti — "Alpari" kompaniiasynyń direktory Qazaqstanda ulttyq valiýta tarihi minimýmǵa deiin quldyraidy degen pikirde.
Aleksandr Razývaevtyń aitýynsha, amerikalyq dollardyń baǵasy 400 teńgege deiin jetýi múmkin.
"Eger teńge máselesine toqtalatyn bolsaq, 400 sanyn sózsiz kóremiz. Bul ekonomikanyń durys damýy valiýtanyń myqty bolýymen bailanysty emestigin kórsetedi. Ásirese, jas naryqtar týraly sóz qozǵaǵan kezde", — dedi Razývaev beisenbi kúni Sputnik mýltimediialyq baspasóz ortalyǵynda.
Razývaevtyń pikirinshe, teńgeniń dál bulai álsireýi Reseide mólsherlengen álsiz rýbl saiasatynyń júrgizilip jatqanymen bailanysty. Ol sondai-aq Qazaqstan men Resei ekonomikasynyń tyǵyz bailanysta bolyp qana qoimai, ózara qurylym jaǵynan uqsaitynyn jetkizdi.
Osy ýaqytqa deiin Ulttyq bank basshysy Daniiar Aqyshev uzaq merzimde teńgeni aiyrbastaý kýrsy kóp jaǵdaida Qazaqstannyń tólem balansymen bailanysty ekenin aitqan-dy.
Aqyshevtiń pikirinshe, teńge men rýbl az ýaqyt ishinde basym túrde korreliatsiiaǵa ushyraidy.
26 qyrkúiekte bir dollardyń quny 359,76 teńge boldy, jyl basynan beri 8,3% álsiredi.
Ulttyq bank teńgeniń AQSh dollarynyń damyǵan memleketter valiýtasyna qatysty nyǵaiýymen jáne bolashaqta reseilik sanktsiialarǵa qarsylyq kúsheitiletinimen bailanysty álsireitinin málimdegen-di.
