Mańǵystaý oblysynyń sanitariialyq-epidemiologiialyq baqylaý departamenti 2020 jyldyń 10 aiynda ónimniń 1 533 túrin iriktep satyp aly, zerthanalyq saraptamadan ótkizdi. Onyń 9% tehnikalyq reglament talaptaryna sai emes, dep habarlaidy "Ult aqparat".
Sanitariialyq-epidemiologiialyq baqylaý komitetiniń málimetinshe, iriktep alynǵan alynǵan ónimderdiń 75% - sheteldik, 25% - otandyq ónimder.
Sáikessizdik anyqtalǵan ónimderdiń basym kópshiligi, iaǵni 77,5% - tańbalanýy boiynsha, 9,4% - fiziko-himiialyq kórsetkishteri boiynsha, 1,4% - mikrobiologiialyq kórsetkishteri boiynsha, 0,7% - toksiko-gigienalyq kórsetkishteri boiynsha, 4,3% - qaýipsizdik talaptary boiynsha jáne 8,7% - basqa da kórsetkishter boiynsha talapqa sai emes.
Monitoring barysynda iriktep alynǵan barlyq ónimniń 78% - tamaq ónimderi jáne qalǵan 22% - óndiristik taýarlar .
10 aida oblys aýmaǵynda 1191 synama taǵam ónimderi iriktep alynyp, sonyń ishinde TR talaptaryna 67 (5,6%) synama sai emes.
Barlyq talapqa sai emes taǵam ónimderiniń ishinde:
Et jáne et ónimderiniń 120 synamasynyń 8-nen (6,7%) sáikessizdik anyqtaldy , barlyǵy shetel ónimderi, sonyń ishinde 4 ónim fiziko-himiialyq kórsetkishter boiynsha sáikes emes («Doktorskaia» pisirilgen shujyǵy jáne jartylai ystalǵan «Prazdnichnaia» shujyǵy, JShQ «Jelen» Resei, Orynbor oblysynda óndirilgen, «Servelat», «Bairam» jartylai-ystalǵan shujyǵy JK «Dosmatov T.Z.», Jambyl oblysy, Taraz qalasy óndirisi) jáne 3 siyr etinen zerthanalyq saraptama qorytyndysynda shoshqa DNQ-sy tabyldy (pisirilgen shujyq ónimderi «S goviadinoi» sosiskalary, óndirýshisi: RF, Saratov. «MK» AGROTEK« JShQ; et-ósimdikti konserviler «Týshenka kýskovaia govojia», óndirýshisi - RF, Máskeý, Troitsk qalasy «Orelprodýkt» AQ; buqtyrylǵan sterildengen siyr eti, joǵary SORT, óndirýshisi: Resei, Máskeý qalasyndaǵy «Qorǵan et kombinaty» JShQ STANDART).
Iriktep alynǵa n q us jáne qus eti ónimderiniń 58-inen jáne balyq óniminiń 40 túrinen tańbalanýy boiynsha talapqa sai emes árqaisysynan 7 ónim anyqtaldy;
S út jáne sút ónimderiniń 153 túrli synamasyna saraptama júrgizildi, onyń 9,2% talapqa sai emes. Aqtaý qalasynda ornalasqan «Millina Food Production Company Ltd» JShS sút zaýytynyń 2 óniminen (tátti súzbe meiiz qosylǵan) ishek taiaqshalar tobynyń bakteriiasy tabyldy.
Atalǵan zaýytqa jospardan tys tekserý júrgizilip sapasyz 240 kg sút ónimi saýda ainalymynan alynyp tastaldy jáne jaýapty tulǵaǵa 304 865 teńge kóleminde aiyppul salyndy.
2020 jyldyń 10 aiynda quramyndaǵy qaýipti zattardy anyqtaý maqsatynda 342 túrli óndiristik taýar iriktep alyndy, onyń ishinde balalarǵa arnalǵan taýarlardyń 34 túrli synamasy saraptamadan ótti.
Onyń 17-i tańbalanýy boiynsha talapqa sai emes jáne oǵan qosymsha Qytaida óndirilgen bir balalar oiynshyǵynan («Shar - siýrpriz «LOL Surprise») normadan artyq mólsherde fenol anyqtaldy.
Zerthanalyq saraptamadan ótken 19 túrli ashanalyq quraldardyń 12-sinen (ashanalyq quraldar jiyntyǵy, shanyshqylar men qasyqtar) korroziiaǵa turaqsyz, tez dattanatyndyǵy anyqtaldy, olardyń barlyǵy Qytai Halyq Respýblikasynda óndirilgen.
Ónim qaýipsizdigine júrgizilgen monitoring qorytyndysy negizinde anyqtalǵan kemshilikter boiynsha kásipkerlik ielerine 29 sanitarlyq uiǵarym berildi jáne kemshilikterdi joiý joldary kórsetildi.
Jospardan tys tekserý boiynsha 2 ákimshilik is qozǵalyp, kásipkerlik sýbektilerine 397 650 tg aiyppul salyndy.
2020 jyldyń 10 aiynda talapqa sai emes 662,1 kg sapasyz ónim saýda ainalymynan alynyp tastaldy jáne joiyldy.
