Halyqaralyq aýyr atletika federatsiiasy (IWF) qazaqstandyq ziltemirshi Vladimir Sedovty 2009 jyly álem chempiony ataǵynan jáne basqa da medalderinen aiyrdy, dep habarlady Sputnik Ázerbaijan.
Sedov doping qoldanǵany úshin 2008 jáne 2016 jyldar aralyǵynda jeńip alǵan barlyq marapatyn qaitarýy tiis. Ol 2009 jylǵy álem chempionatynda jáne 2016 jylǵy Aziia chempionattarynda altyn, 2011 jáne 2014 jylǵy álem chempionattarynda kúmis, 2013 jylǵy álem chempionatynda qola jeńip alǵan bolatyn.
2016 jyldyń jazynda IWF jáne Dúniejúzilik dopingke qarsy agenttik (WADA) qazaqstandyqtyń analizderin qaita tekserip, olardan tyiym salynǵan stanozolol preparatyn tapqan bolatyn. Eki jylǵa sozylǵan tergeý aiaqtalǵannan keiin, Sedov segiz jylǵa sporttan shettetildi, óitkeni ol ekinshi ret dopingpen ustalyp otyr. Ol kezde IWF ony 2008 jylǵy Olimpiadadaǵy tórtinshi orynnan aiyrǵan edi.
Sedovtyń 2009 jylǵy Koreiadaǵy álem chempionatynda jeńip alǵan altyn medali sol dodada kúmis júldeger bolǵan ázerbaijandyq Nizami Pashaevqa avtomatty túrde berildi.
Osylaisha, Nizami Pashaev aýyr atletikadan úsh dúrkin álem chempiony atanyp, Ázerbaijanda úsh ret álem chempionatyn jeńgen alǵashqy sportshy boldy.
Pashaev 2002 jyly Varshavada (Polsha) jáne 2005 jyly Dohada (Katar) ótken álem chempionattarynda álem chempiony titýlyn ielengen.
