Tanymal qazaqstandyq akter Jan Baijanbaev "Qazaqfilm" týraly aitty, - dep habarlaidy Massaget.kz portaly.
Áleýmettik jelide belgili qazaqstandyq akter Jan Baijanbaevtyń Kinematografister odaǵynyń otyrysynda sóilegen sóziniń videosy paida boldy. Onda akter qazaqstandyq kino men "Qazaqfilm" kinostýdiiasynyń damýy týraly emotsiiaǵa toly oiyn jetkizdi.
Baijanbaev stýdiiada 44 jyl jumys istegenin, biraq keiingi 15 jyl boiy stýdiianyń jaǵdai máz emesin aitty.
"Kinostýdiia men bizdiń kinematografiianyń jai-kúii meni qatty qynjyltady. Memkino men Kinematografister odaǵy ortaq máselelerdi, akterler men rejisserlerdiń jeke máselelerin birge sheshken kezi esimde. Qazir tártipsizdik ornaǵandai. Óskeleń urpaq: "Stýdiiańyzda ne bolyp jatyr?" dep suraǵanda, men jaýap berýge qysylamyn. Men osydan 20 jyl buryn stýdiiada jumys istegen adamdardy jaqsy kóremin. Búginde barlyǵy beibereket bolyp ketti: Qor bir baǵytqa, Kinematografister odaǵy basqa baǵytqa, kinostýdiia úshinshi baǵytqa tartady. Óte ókinishti. Menen nege sonshalyqty jeńil filmderge túsesiń dep suraidy. Biraq meni ózimniń kinostýdiiam túsire me? Men súiikti ata-anamnyń súikimsiz balasy bolyp shyqtym. Stýdiiada jumys istegen 20 jyl ishinde, 80-2000 jyldar aralyǵynda men 40 filmge tústim. Keiingi 20 jylda tórt filmge ǵana tústim. Halyqaralyq festivalderge keiingi ret 2003 jyly bardym. Meniń týǵan stýdiiam meni óz tiziminen syzyp tastady", – dedi akter.
Baijanbaev kinostýdiianyń ár jetekshisiniń keiingi jyldary kinoǵa, festivalderge qatysýǵa shaqyratyn óziniń súiikti akterleri bar ekenin aitty. Ol kinostýdiianyń kúireýin qalamaitynyn jetkizdi.
Akter áriptesteriniń taǵdyryn da qozǵady.
"Biraz adamdardy beiitke jetkizdińder. Bir nárseni sheship jatyrsyńdar, biraq sheshimin taba almai kelesińder. Barlyǵyń - biznesmen. Prodiýser men rejisserdiń máselesin sheshesińder. Akterlerdi umyttyńdar, akterler - kinonyń bet-beinesi. Shyǵarmashylyq adam emes, biznesmen bolǵandyqtan osylai istep tursyńdar. Munda akter joq, keibiri ómirden ozdy... Bári jaqsy kóretin Fara. Ómiriniń sońynda ol menen 200 dollar qaryzǵa alǵan. Oǵan kim kómektesti? Osynda máselelerińdi sheship jatqanda. Taǵy 20 jyl sheshińder!" – dep akter emotsiiaǵa toly sózin aiaqtady.
