تانىمال قازاقستاندىق اكتەر جان بايجانباەۆ "قازاقفيلم" تۋرالى ايتتى, - دەپ حابارلايدى Massaget.kz پورتالى.
ەلەۋمەتتٸك جەلٸدە بەلگٸلٸ قازاقستاندىق اكتەر جان بايجانباەۆتىڭ كينەماتوگرافيستەر وداعىنىڭ وتىرىسىندا سٶيلەگەن سٶزٸنٸڭ ۆيدەوسى پايدا بولدى. وندا اكتەر قازاقستاندىق كينو مەن "قازاقفيلم" كينوستۋديياسىنىڭ دامۋى تۋرالى ەموتسيياعا تولى ويىن جەتكٸزدٸ.
بايجانباەۆ ستۋدييادا 44 جىل جۇمىس ٸستەگەنٸن, بٸراق كەيٸنگٸ 15 جىل بويى ستۋدييانىڭ جاعداي مەز ەمەسٸن ايتتى.
"كينوستۋدييا مەن بٸزدٸڭ كينەماتوگرافييانىڭ جاي-كٷيٸ مەنٸ قاتتى قىنجىلتادى. مەمكينو مەن كينەماتوگرافيستەر وداعى ورتاق مەسەلەلەردٸ, اكتەرلەر مەن رەجيسسەرلەردٸڭ جەكە مەسەلەلەرٸن بٸرگە شەشكەن كەزٸ ەسٸمدە. قازٸر تەرتٸپسٸزدٸك ورناعانداي. ٶسكەلەڭ ۇرپاق: "ستۋديياڭىزدا نە بولىپ جاتىر?" دەپ سۇراعاندا, مەن جاۋاپ بەرۋگە قىسىلامىن. مەن وسىدان 20 جىل بۇرىن ستۋدييادا جۇمىس ٸستەگەن ادامداردى جاقسى كٶرەمٸن. بٷگٸندە بارلىعى بەيبەرەكەت بولىپ كەتتٸ: قور بٸر باعىتقا, كينەماتوگرافيستەر وداعى باسقا باعىتقا, كينوستۋدييا ٷشٸنشٸ باعىتقا تارتادى. ٶتە ٶكٸنٸشتٸ. مەنەن نەگە سونشالىقتى جەڭٸل فيلمدەرگە تٷسەسٸڭ دەپ سۇرايدى. بٸراق مەنٸ ٶزٸمنٸڭ كينوستۋدييام تٷسٸرە مە? مەن سٷيٸكتٸ اتا-انامنىڭ سٷيكٸمسٸز بالاسى بولىپ شىقتىم. ستۋدييادا جۇمىس ٸستەگەن 20 جىل ٸشٸندە, 80-2000 جىلدار ارالىعىندا مەن 40 فيلمگە تٷستٸم. كەيٸنگٸ 20 جىلدا تٶرت فيلمگە عانا تٷستٸم. حالىقارالىق فەستيۆالدەرگە كەيٸنگٸ رەت 2003 جىلى باردىم. مەنٸڭ تۋعان ستۋدييام مەنٸ ٶز تٸزٸمٸنەن سىزىپ تاستادى", – دەدٸ اكتەر.
بايجانباەۆ كينوستۋدييانىڭ ەر جەتەكشٸسٸنٸڭ كەيٸنگٸ جىلدارى كينوعا, فەستيۆالدەرگە قاتىسۋعا شاقىراتىن ٶزٸنٸڭ سٷيٸكتٸ اكتەرلەرٸ بار ەكەنٸن ايتتى. ول كينوستۋدييانىڭ كٷيرەۋٸن قالامايتىنىن جەتكٸزدٸ.
اكتەر ەرٸپتەستەرٸنٸڭ تاعدىرىن دا قوزعادى.
"بٸراز ادامداردى بەيٸتكە جەتكٸزدٸڭدەر. بٸر نەرسەنٸ شەشٸپ جاتىرسىڭدار, بٸراق شەشٸمٸن تابا الماي كەلەسٸڭدەر. بارلىعىڭ - بيزنەسمەن. پروديۋسەر مەن رەجيسسەردٸڭ مەسەلەسٸن شەشەسٸڭدەر. اكتەرلەردٸ ۇمىتتىڭدار, اكتەرلەر - كينونىڭ بەت-بەينەسٸ. شىعارماشىلىق ادام ەمەس, بيزنەسمەن بولعاندىقتان وسىلاي ٸستەپ تۇرسىڭدار. مۇندا اكتەر جوق, كەيبٸرٸ ٶمٸردەن وزدى... بەرٸ جاقسى كٶرەتٸن فارا. ٶمٸرٸنٸڭ سوڭىندا ول مەنەن 200 دوللار قارىزعا العان. وعان كٸم كٶمەكتەستٸ? وسىندا مەسەلەلەرٸڭدٸ شەشٸپ جاتقاندا. تاعى 20 جىل شەشٸڭدەر!" – دەپ اكتەر ەموتسيياعا تولى سٶزٸن اياقتادى.
