Foto: ashyq derekkóz
Búgin Túrkistan qalasynyń aýdanaralyq sotynda Saýran aýdandyq politsiia bóliminde bloger Murat Ábdildáǵa qatysty merziminen buryn shartty túrde bosatýdyń kúshin joiyp, jazanyń ótelmegen bóligin bas bostandyǵynan aiyrý jazasyn oryndaýǵa joldaý jónindegi usynysy qaraldy, dep habarlaidy Qaz365.kz.
Shymkent qalalyq qylmystyq ister jónindegi aýdanaralyq sotynyń 23.08.2024 jylǵy qaýlysyna sáikes azamat M.Abdillaevqa saǵat 22:00-den tańǵy saǵat 06:00 aralyǵynda úiinde bolýǵa mindettelgen. Degenmen azamat M.Abdillaev sot júktegen mindetterdi óz dárejesinde oryndamaǵan.
Atap aitqanda, ýchaskelik politsiia qyzmetkeri 17.03.2025j. túngi ýaqytta Murat Ábdildániń turǵylyqty meken-jaiyn tekserýge barǵan ýaqytta úiinde bolmaǵan. Sot protsessi barysynda politsiia bóliminiń júieli buzýshylyqtar týraly dálelderi rastaldy.
Aita keteiik, bloger Murat Ábdildá áleýmettik jeli arqyly tikelei efirde otyryp, bylapyt sóilegeni úshin 2022 jyldyń 31 naýryzynda Qylmystyq kodekstiń 174 babynyń 1 bóligimen 4 jyl 6 aiǵa bas bostandyǵynan aiyrylǵan edi. 2024 jyly 9 qyrkúiek kúni shartty túrde merziminen buryn bosap shyqqan bolatyn.
