Foto: Instagram.com
Qazaqstan Respýblikasynyń Qarjylyq monitoring agenttigi 1995 jylǵy 18 qyrkúiekte týǵan Qazaqstan azamaty Qamza Qaisar Baqytjanulyna halyqaralyq izdeý jariialady, dep habarlaidy Ult.kz.
Vedomstvo málimetinshe, sot kúdiktige qatysty «qamaýda ustaý» túrindegi bultartpaý sharasyn sanktsiialaǵan. Ol zańsyz oiyn biznesine járdemdesti degen kúdikke ilingen.
Tergeý derekterine sáikes, Qamza Q.B. sońǵy bes jyl boiy Instagram áleýmettik jelisinde «qais_arr» ataýymen (2,4 mln jazylýshy) blogerlik qyzmet júrgizip, sondai-aq Telegram jelisindegi «Qora enterteinment» jabyq arnasyn (368 myń jazylýshy) basqarǵan.
Kúdikti jeke akkaýnttary arqyly Qazaqstan azamattaryn «Pinco» internet-kazinosynda tirkelýge jáne qumar oiyndarǵa qatysýǵa baǵyttalǵan siltemelerdi, beinematerialdar men jarnamalyq úndeýlerdi júieli túrde jariialap otyrǵan. Sonymen qatar, oiynshylarǵa bonýs beretin jeke promokodty da paidalanǵany anyqtaldy.
Osy áreketter arqyly ol onlain oiyn platformasyn jarnamalap, syiaqylar, bonýstar men paiyzdyq aýdarymdar túrinde tabys tapqan. Al zańsyz jolmen alynǵan kiristerdi jasyrý maqsatynda kriptoámiian qoldanǵan. Tergeý málimetinshe, atalǵan kriptoámiianǵa «Pinco» internet-kazinosyn uiymdastyrýshylardan tólemder túsip otyrǵan.
Sot sanktsiiasymen 182 736,741 USDT kólemindegi kriptoaktivterge tyiym salyndy.
Qarjylyq monitoring agenttigi izdeýde júrgen tulǵanyń júrgen jeri týraly qandai da bir aqparat bolǵan jaǵdaida, quqyq qorǵaý organdaryna habarlaýdy suraidy.
