Videodan kadr
Tanymal ázilkesh Aqbolat Ótebai marqum ákesin eske alyp, kózine jas aldy, - dep habarlaidy Massaget.kz portaly.
"Nazar aýdardyń toilarynda bir-birimizdiń áke-sheshemiz keledi. Sol kezde bári erli-zaiypty bolyp, ákesi men anasy bolyp sóilep turady. Al seniń anań jalǵyz sóilep turǵan kezde kóńilińe alasyń ǵoi. Júrekten "uryp" jiberedi", - deidi akter jýrnalist Aman Tasyǵannyń Talk like baǵdarlamasynda.
Aqbolat Ótebaidyń sózinshe, ákesi akterdiń balalaryn, iaǵni nemerelerin kórip úlgermegen.
"Eshqaisyn kórmedi. Óte jas kezinde, 44 jasynda ketti. Ol kezde jasym 22-de edi. Sosyn barlyq jaýapkershilik maǵan artylatynyn túsindim. úilený keregin túsindim. Úilendim. Úili boldym, eshteńege ókinbeimin. Tórt balam bar. otbasym maǵan senedi, sony sezemin", - deidi Aqbolat Ótebai.
Ol teatrmen birge kontsert berip, marqum ákesi aldyńǵy qatarda otyryp tamashalaǵanyn armandaǵanyn aitty.
"Týǵan inim Nurlan ákemniń rolinde júrgendei kórinedi. Sol arqyly bárin bilip otyramyn. Ákeme jasaǵym kelgen jaqsylyqty sol inime jasaimyn (...) Ákeń bolǵanda bári op-ońai...", - deidi akter.
