Búgin Almaty qalasynyń Almaly aýdanynyń soty tanymal ánshi Gaýhar Álimbekovany alaiaqtyq úshin alty jylǵa bas bostandyǵynan aiyrdy, - dep habarlaidy "31 arna".
Halyq yqylasyna bólengen ánshi qurbysy Baqyt Nazarovamen 15 jyldai ýaqyt dos bolǵan. Gaýhar Álimbekova eks-qurbysynan "Aqkent" turǵyn úi kesheninen úi alyp beremin dep 40 myń dollar alǵan. Alaida ne úi ápermegen, ne aqshany qaitarmaǵan.
"Balamnyń kóligin sattym. Zergerlik buiymdardy ótkizdim. Birneshe nesie aldym. Qateligin moiyndap, táýbesine keletin shyǵar dep kúttim. Biraq ol kinásin moiyndamady", - dedi Baqyt Nazarova.
Gaýhar Álimbekova qylmystyq kodekstiń 190 baby "Alaiaqtyq" boiynsha jaýapqa tartyldy.
Prokýror Dáýren Dúnbaev Álimbekovanyń jazasy tolyq dáleldendi dep málimdedi. Ol ánshini segiz jylǵa bas bostandyǵynan aiyrýdy suraǵan.
Jábirlenýshi moraldyq ótemaqy retinde 51 myń dollar men 10 mln teńge talap etti. Sot ony ishinara ǵana qabyldady.
Aiyptalýshy jábirlenýshige 40 myń dollardy qaitarýǵa mindetteldi.
Sot Gaýhar Álimbekovany alty jylǵa bas bostandyǵynan aiyrý úkimin shyǵaryp, ortasha qaýipsiz mekemede jazasyn óteýge kesti.
Ánshi kinásin moiyndamaitynyn jetkizdi.
Sot úkimi 30 qańtar kúni óz kúshine endi.
