بٷگٸن الماتى قالاسىنىڭ المالى اۋدانىنىڭ سوتى تانىمال ەنشٸ گاۋھار ەلٸمبەكوۆانى الاياقتىق ٷشٸن التى جىلعا باس بوستاندىعىنان ايىردى, - دەپ حابارلايدى "31 ارنا".
حالىق ىقىلاسىنا بٶلەنگەن ەنشٸ قۇربىسى باقىت نازاروۆامەن 15 جىلداي ۋاقىت دوس بولعان. گاۋھار ەلٸمبەكوۆا ەكس-قۇربىسىنان "اقكەنت" تۇرعىن ٷي كەشەنٸنەن ٷي الىپ بەرەمٸن دەپ 40 مىڭ دوللار العان. الايدا نە ٷي ەپەرمەگەن, نە اقشانى قايتارماعان.
"بالامنىڭ كٶلٸگٸن ساتتىم. زەرگەرلٸك بۇيىمداردى ٶتكٸزدٸم. بٸرنەشە نەسيە الدىم. قاتەلٸگٸن مويىنداپ, تەۋبەسٸنە كەلەتٸن شىعار دەپ كٷتتٸم. بٸراق ول كٸنەسٸن مويىندامادى", - دەدٸ باقىت نازاروۆا.
گاۋھار ەلٸمبەكوۆا قىلمىستىق كودەكستٸڭ 190 بابى "الاياقتىق" بويىنشا جاۋاپقا تارتىلدى.
پروكۋرور دەۋرەن دٷنباەۆ ەلٸمبەكوۆانىڭ جازاسى تولىق دەلەلدەندٸ دەپ مەلٸمدەدٸ. ول ەنشٸنٸ سەگٸز جىلعا باس بوستاندىعىنان ايىرۋدى سۇراعان.
جەبٸرلەنۋشٸ مورالدىق ٶتەماقى رەتٸندە 51 مىڭ دوللار مەن 10 ملن تەڭگە تالاپ ەتتٸ. سوت ونى ٸشٸنارا عانا قابىلدادى.
ايىپتالۋشى جەبٸرلەنۋشٸگە 40 مىڭ دوللاردى قايتارۋعا مٸندەتتەلدٸ.
سوت گاۋھار ەلٸمبەكوۆانى التى جىلعا باس بوستاندىعىنان ايىرۋ ٷكٸمٸن شىعارىپ, ورتاشا قاۋٸپسٸز مەكەمەدە جازاسىن ٶتەۋگە كەستٸ.
ەنشٸ كٸنەسٸن مويىندامايتىنىن جەتكٸزدٸ.
سوت ٷكٸمٸ 30 قاڭتار كٷنٸ ٶز كٷشٸنە ەندٸ.
