Foto: videodan skrinshot
Almaty qalasynyń ákimshilik quqyq buzýshylyq isteri boiynsha mamandandyrylǵan aýdanaralyq soty Kishkenbaevtyń isin jabyq otyrysta qarady, dep habarlaidy Ult.kz.
Almas Kishkenbaevqa ÁQBtK-niń 434-babynyń 1-bóligi boiynsha aiyp taǵylyp otyr. Bul bap boiynsha oǵan 20 AEK (78 640 teńge) mólsherinde aiyppul salynýy nemese 5 táýlikten 15 táýlikke deiingi merzimge ákimshilik qamaqqa alynýy múmkin.
Sotpen K.-nyń mas kúiinde bola tura, osyndai áreketterdi jasaǵany anyqtaldy.
Sotta ánshi jaǵdaidyń mán-jaiy esinde joq ekenin túsindirdi.
"Joǵaryda aitylǵandardyń negizinde K.-ǵa ÁQBtK-niń 434-babynyń 1-bóliginde kózdelgen ákimshilik quqyq buzýshylyqty jasaǵany úshin kináli dep tanylyp, oǵan 15 táýlikke qamaýǵa alý jazasy taǵaiyndaldy",– dep habarlady sottan.
Sot qaýlysy zańdy kúshine engen joq.
Eske salaiyq, buǵan deiin Telegram-arnalardyń birinde ánshi Almas Kishkenbaev oqýshyǵa tiisti degen aqparat taraǵan bolatyn.
