Tanymal akter Saǵat Jylgeldiev ómirden ozdy, - dep habarlaidy "Ult aqparat" Músirepov atyndaǵy akademiialyq balalar men jasóspirimder teatrynyń baspasóz qyzmetine silteme jasap.
"Teatrymyzdyń akteri, jany jaisań Saǵat Jylgeldiev aǵamyz dúnieden ótti… Teatr ujymy, áriptesteri marqumnyń jubaiy Jibek Lebaeva men otbasy, týǵan-týystarynyń qaiǵysyna ortaqtasyp, kóńil aitamyz. Baqul bolyńyz, aǵa! Sizdiń jarqyn beineńizdi áriptesterińiz, ujym, ózińizdiń súiikti kórermenderińiz máńgi jadynda saqtaidy", - delingen estirtý habarynda.
Akterdiń janazasy 17.05.2022 jyly saǵat 09:00-de Muratbaev 48 mekenjaiynda shyǵarylatyny aitylady.
Al qoshtasý rásimi 17 mamyrda saǵat 10:00-de Ǵ.Músirepov atyndaǵy akademiialyq balalar men jasóspirimder teatrynyń sahnasynda ótedi.
Saǵat Ermaǵambetuly Jylgeldiev - 1954 jyldyń 12 jeltoqsanynda Qyzylorda oblysy, Jalaǵash aýdany, Aqqyr aýylynda týǵan, Qazaqstannyń eńbek sińirgen ártisi, Eren eńbegi úshin medaliniń iegeri.
Saǵat Ermaǵambetuly Qazaq drama teatry janyndaǵy teatr stýdiiasyn, Qazaq ulttyq konservatoriiasynyń akterlik bólimin bitirgen. 1977 jyldan Qazaq balalar men jastar teatry sahnasynda óner kórsetedi. Ol oinaǵan Aqyn (I.Saparbaevtyń "Aýyldan kelgen arýynda"), Baijan (I.Ǵaiyptyń "Altyn ajalynda"), Abdolla (S.Balǵabaevtyń "Eń ádemi kelinsheginde"), Qoja Ahmet Iasaýi (O.Dastanovtyń "Áziret Sultanynda"), Shege, Baidaly bi, Serdáli (Ǵ.Músirepovtiń "Qyz Jibek", "Ulpan", "Aqan seri - Aqtoqtysynda") t.b. rolderin mamandar jaqsy baǵalaǵan.
