تانىمال اكتەر ساعات جىلگەلديەۆ ٶمٸردەن وزدى, - دەپ حابارلايدى "ۇلت اقپارات" مٷسٸرەپوۆ اتىنداعى اكادەمييالىق بالالار مەن جاسٶسپٸرٸمدەر تەاترىنىڭ باسپاسٶز قىزمەتٸنە سٸلتەمە جاساپ.
"تەاترىمىزدىڭ اكتەرٸ, جانى جايساڭ ساعات جىلگەلديەۆ اعامىز دٷنيەدەن ٶتتٸ… تەاتر ۇجىمى, ەرٸپتەستەرٸ مارقۇمنىڭ جۇبايى جٸبەك لەباەۆا مەن وتباسى, تۋعان-تۋىستارىنىڭ قايعىسىنا ورتاقتاسىپ, كٶڭٸل ايتامىز. باقۇل بولىڭىز, اعا! سٸزدٸڭ جارقىن بەينەڭٸزدٸ ەرٸپتەستەرٸڭٸز, ۇجىم, ٶزٸڭٸزدٸڭ سٷيٸكتٸ كٶرەرمەندەرٸڭٸز مەڭگٸ جادىندا ساقتايدى", - دەلٸنگەن ەستٸرتۋ حابارىندا.
اكتەردٸڭ جانازاسى 17.05.2022 جىلى ساعات 09:00-دە مۇراتباەۆ 48 مەكەنجايىندا شىعارىلاتىنى ايتىلادى.
ال قوشتاسۋ رەسٸمٸ 17 مامىردا ساعات 10:00-دە ع.مٷسٸرەپوۆ اتىنداعى اكادەمييالىق بالالار مەن جاسٶسپٸرٸمدەر تەاترىنىڭ ساحناسىندا ٶتەدٸ.
ساعات ەرماعامبەتۇلى جىلگەلديەۆ - 1954 جىلدىڭ 12 جەلتوقسانىندا قىزىلوردا وبلىسى, جالاعاش اۋدانى, اققىر اۋىلىندا تۋعان, قازاقستاننىڭ ەڭبەك سٸڭٸرگەن ەرتٸسٸ, ەرەن ەڭبەگٸ ٷشٸن مەدالٸنٸڭ يەگەرٸ.
ساعات ەرماعامبەتۇلى قازاق دراما تەاترى جانىنداعى تەاتر ستۋديياسىن, قازاق ۇلتتىق كونسەرۆاتوريياسىنىڭ اكتەرلٸك بٶلٸمٸن بٸتٸرگەن. 1977 جىلدان قازاق بالالار مەن جاستار تەاترى ساحناسىندا ٶنەر كٶرسەتەدٸ. ول ويناعان اقىن (ي.ساپارباەۆتىڭ "اۋىلدان كەلگەن ارۋىندا"), بايجان (ي.عايىپتىڭ "التىن اجالىندا"), ابدوللا (س.بالعاباەۆتىڭ "ەڭ ەدەمٸ كەلٸنشەگٸندە"), قوجا احمەت ياساۋي (و.داستانوۆتىڭ "ەزٸرەت سۇلتانىندا"), شەگە, بايدالى بي, سەردەلٸ (ع.مٷسٸرەپوۆتٸڭ "قىز جٸبەك", "ۇلپان", "اقان سەرٸ - اقتوقتىسىندا") ت.ب. رولدەرٸن ماماندار جاقسى باعالاعان.
