Shyǵys Qazaqstan oblysynda 15-20 kún ishinde 20 myń dana uzaq ýaqyt qoldanýǵa bolatyn qorǵanysh kiimi tigiledi. Bul týraly ShQO máslihatynyń altynshy shaqyrylymnyń XL kezekti sessiiasynda oblys basshysy Danial Ahmetov aitty, dep habarlaidy "Ult aqparat".
«Tamyzdyń sońyna deiin 100 jedel járdem kóligin alamyz. Biraz ýaqyt ótken soń taǵy 116 jedel járdem kóligi keledi. Osylaisha 216 jedel járdem kóligine qol jetkizemiz. Al dárigerler sany jetkilikti. Biz zeinetkerlikke shyqqan dárigerlerdi de jumysqa tarttyq», - dedi ShQO ákimi.
Onyń aitýynsha, meditsina salasy jeke qorǵanysh zattarymen qamtamasyz etilgen.
«Bizde bir aiǵa jetetin qorǵanysh zattary bar. Jaqynda 10 myń qorǵanysh kiimi, 300 myń bir rettik qorǵanysh kiimi, 15 000 betti qorǵaityn kózildirik, 100 myńnan joǵary respiratorlyq maska satyp alamyz. Bul zattardy Qytaidan satyp alamyz. Sondai-aq, 15-20 kún ishinde 20 myń uzaq ýaqyt qoldanýǵa bolatyn qorǵanysh kiimin tigemiz. Bul oblys resýrsy esebinen júzege asyrylady», - dep atap ótti óńir basshysy.
