شىعىس قازاقستان وبلىسىندا 15-20 كٷن ٸشٸندە 20 مىڭ دانا ۇزاق ۋاقىت قولدانۋعا بولاتىن قورعانىش كيٸمٸ تٸگٸلەدٸ. بۇل تۋرالى شقو مەسليحاتىنىڭ التىنشى شاقىرىلىمنىڭ XL كەزەكتٸ سەسسيياسىندا وبلىس باسشىسى دانيال احمەتوۆ ايتتى, دەپ حابارلايدى "ۇلت اقپارات".
«تامىزدىڭ سوڭىنا دەيٸن 100 جەدەل جەردەم كٶلٸگٸن الامىز. بٸراز ۋاقىت ٶتكەن سوڭ تاعى 116 جەدەل جەردەم كٶلٸگٸ كەلەدٸ. وسىلايشا 216 جەدەل جەردەم كٶلٸگٸنە قول جەتكٸزەمٸز. ال دەرٸگەرلەر سانى جەتكٸلٸكتٸ. بٸز زەينەتكەرلٸككە شىققان دەرٸگەرلەردٸ دە جۇمىسقا تارتتىق», - دەدٸ شقو ەكٸمٸ.
ونىڭ ايتۋىنشا, مەديتسينا سالاسى جەكە قورعانىش زاتتارىمەن قامتاماسىز ەتٸلگەن.
«بٸزدە بٸر ايعا جەتەتٸن قورعانىش زاتتارى بار. جاقىندا 10 مىڭ قورعانىش كيٸمٸ, 300 مىڭ بٸر رەتتٸك قورعانىش كيٸمٸ, 15 000 بەتتٸ قورعايتىن كٶزٸلدٸرٸك, 100 مىڭنان جوعارى رەسپيراتورلىق ماسكا ساتىپ الامىز. بۇل زاتتاردى قىتايدان ساتىپ الامىز. سونداي-اق, 15-20 كٷن ٸشٸندە 20 مىڭ ۇزاق ۋاقىت قولدانۋعا بولاتىن قورعانىش كيٸمٸن تٸگەمٸز. بۇل وبلىس رەسۋرسى ەسەبٸنەن جٷزەگە اسىرىلادى», - دەپ اتاپ ٶتتٸ ٶڭٸر باسشىسى.
