© Sputnik / Abzal Kaliev
Tamyzdyń qorytyndysy boiynsha jyldyq infliatsiia 16,1%, bir aida 1,4% boldy, dep habarlaidy Sputnik Qazaqstan.
2022 jylǵy tamyzda azyq-túlik taýarlarynyń baǵasy ótken jylǵy tamyzben salystyrǵanda 20,8%-ǵa ósti, azyq-túlikke jatpaityn taýarlar 15,5%-ǵa, aqyly qyzmetter 10,1%-ǵa qymbattady.
Keńse taýarlary 60,5%, mektep sómkesi, oqýshylar riýkzagy 44%, jeke qoldanylatyn taýarlar 28,4%, jýý jáne tazalaý zattary 26,6%, turmys quraldary 24,2%, qurylys materialdary 20%, balalar aiaq kiimi 19,6%, jihaz jáne úige qajetti zattar 19,2%, ydys-aiaq 16%, balalar kiimi 15%, avtomobilder 14,6%, toqyma buiymdary 11,3%, farmatsevtika ónimderi baǵasy 10,7% ósti.
Bir jylda (byltyrǵy jáne biylǵy tamyzǵa) aqyly qyzmetter baǵasy 10,1% ósti. Keshendi demalý uiymdary 20,1%, qoǵamdyq tamaqtaný qyzmetteri 18,4%, sanatorii qyzmetteri 15,3%, densaýlyq saqtaý qyzmetteri 14,9%, shashtarazdar men jeke qyzmet kórsetý oryndary qyzmetteri 13,8%, qonaq úi qyzmetteri 6,9% qymbattady. Jolaýshylar kóligi qyzmetteri 5,7% qymbattady.
Turǵyn úi-kommýnaldyq qyzmetter salasynda elektr qýaty, qoqys shyǵarý 3,7%, sý burýǵa tarifi 1,6% joǵarylady, al ortalyqtan jylytý 2,3%-ǵa, ystyq sý tarifi 0,9%-ǵa tómendedi.
