2018 jyldyń tamyz aiynda Qazaqstan halqy, mereke kúnderin qosqanda, 10 kún demalady, dep habarlaidy Ult.kz tilshisi QazAqparat agenttigine silteme jasap.
Biyl Qurban aittyń birinshi kúni seisenbi - 21 tamyzǵa týra keledi jáne bul kúni bes kúndik eńbek aptasymen jumys isteitinderge demalys jariialanǵan. Odan bólek, senbi-jeksenbi - tamyzdyń 4-5, 11-12, 18-19 jáne 26 kúnderi zańdy demalys beriledi.
Aita keteiik, QR Eńbek kodeksi 85-babynyń 3-tarmaǵyna sáikes, mereke kúnderi jumys ýaqytyn tiimdi paidalaný maqsatynda, Úkimet demalys kúnderin basqa jumys kúnderine ótkizýge quqyly.
Konstitýtsiia kúnine orai kúntizbede demalys dep belgilengen 30 tamyz biyl beisenbige sáikes keledi. Sol sebepti, senbi 25 tamyz jumys kúni dep jariialanyp, ondaǵy demalys 31 tamyz, jumaǵa aýystyrylady. Osylaisha, qazaqstandyqtar 30-31 tamyz (beisenbi, juma) jáne 1-2 qyrkúiek (senbi-jeksenbi) kúnderi qatarynan 4 kún demalady.
2018 jylǵa arnalǵan Qazaqstandaǵy mereke jáne demalys kúnder tizimin Elektrondy úkimet portalynan kórýge bolady.
