Jańa maýsymda «Jibek Joly» telearnasynyń kórermenderine ańyzǵa ainalǵan «Tamasha» ázil-syqaq teatrynyń tanymal nómirleri men akterleriniń sahna syrtyndaǵy ómiri týraly jańa serial usynylady. Biyl «Tamasha» telebaǵdarlamasynyń efirge shyqqanyna 45 jyl toldy.
Serialda Qazaqstannyń mádeni murasynyń bir bóligi sanalatyn shyǵarmashylyq ujymnyń qurylý tarihy men damý kezeńderi kórsetiledi. Avtorlar kórermenderdi Keńes Odaǵynyń ydyraý jáne Táýelsizdikke alǵashqy qadamdar jasalyp jatqan 90-jyldarǵa saiahatqa shaqyrady.
«Tamasha» shoýy alǵash ret 1978 jyly jeltoqsanda sahnalandy. Jarqyn telebaǵdarlamanyń negizin qalaǵandar — rejisser Luqpan Esenov pen redaktor Qoishyǵul Jylqyshiev. Teatr sahnasynda Qudaibergen Sultanbaev, Tuńǵyshbai Jamanqulov, Lidiia Kádenova, Meiirman Nurekeev, Toqsyn Qulybekov, Ýais Sultanǵazin, Gúlbaýshan Tileýbekova jáne Danagúl Temirsultanova syndy akterler óner kórsetti.
"Telehikaia 10 seriiadan turatyn bolady. Basty ereksheligi — tarihi oqiǵaǵa negizdelmegen kórkem serial. Bul serialda bolatyn oqiǵa tolyqtai oidan shyǵarylǵan. Tek keibir epizodtar "Tamasha" teatrynyń akterleriniń ómirinde bolǵan bolǵan qyzyqty bir sátterdi stsenariige engizdik", - deidi stsenarii avtory Darhan Ospanov.
Serialdyń bas prodiýserleri men ideia avtorlary — Luqpan Esenovtiń qyzy Áliia Esenova, «Appaq Kelin», «Taqiiasyz Perishte» syndy jobalardyń avtory Qýat Sadyqov jáne «Qashan týasyń?» jobasynyń avtory Timýr Smaǵulov. Rejisseri - Nurǵisa Álmurat, prodiýserleri Elmira Ysqaqova men Almas Saǵynýly, al stsenarii avtorlarynyń biri ári kreativti prodiýseri Darhan Ospanov.
Serialdyń akterlik quramy:
Qudaibergen Sultanbaev - Erlan Qasymjanuly,
Toqsyn Qulybekov - Tolaǵai Qarasaev,
Danagúl Temirsultanova - Baqytgúl Serikbaeva,
Ýais Sultanǵazin - Janat Tinbaev,
Meiirman Nurekeev - Kenen Aqúrpekov,
Gúlbaýshan Tileýbekova - Gogi Dáribai,
Luqpan Esenov - Aldabek Shalbaev,
Lidiia Kádenova - Áigerim Tasybek,
Qaisar Dáribaev - Muhamedsaid Baǵasharov,
Aqtoty Saǵynova - Dilnaz Qýanysheva,
Mels Ospanov - Syrym Qashqabaev
