QR Eńbek jáne halyqty áleýmettik qorǵaý ministri Tamara Dúisenova Túrkistan oblysyna jumys sapary barysynda áleýmettik qyzmetkerlermen jáne eńbek ardagerlerimen kezdesý ótkizdi. Jiynǵa Túrkistan oblysy ákiminiń orynbasary Sáken Qalqamanov qatysty, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Sapar barysynda ministr QR Áleýmettik kodeksiniń jobasynda kózdelgen arnaýly áleýmettik qyzmetter kórsetý júiesin jańǵyrtý týraly aityp berdi.
Tamara Dúisenova óz sózinde búgingi tańda 116 memlekettik internat-úilermen qatar 174 ÚEU jáne jeke sektor sýbektileri arnaiy qyzmet kórsetetinin habarlady. Múgedektigi bar adamdarǵa ońaltýdyń tehnikalyq quraldary men qyzmetterin, sondai-aq olardy jetkizýshilerdi óz betinshe tańdaýǵa múmkindik beretin Áleýmettik qyzmetter portaly engizildi.
«Sonymen qatar arnaiy áleýmettik qyzmetter (AÁQ) qalalar men oblys ortalyqtarynda usynylatynyn, al aýylda turatyn múgedektigi bar adamdardyń 45%-dan astamy olardy qoldaityn áleýmettik qyzmetterdi alatynyn, iaǵni tek jergilikti áleýmettik kómek bólimsheleri úide usynatyn jalpylama qyzmetterdi ǵana ala alatynyn moiyndaý kerek. Sonymen birge qyzmetterdiń basym bóligin iri memlekettik internattar usynady, olardyń keibireýlerinde qyzmet alýshylar sany 300 adamǵa deiin jetedi, bul, árine, kórsetiletin qyzmetterdiń sapasyna áser etpeýi múmkin emes. Osyǵan bailanysty Áleýmettik kodekstiń jobasynda memlekettiń, jeke sektordyń, úkimettik emes uiymdardyń jáne azamattardyń ózderiniń yntymaqty qatysýyna basa nazar aýdara otyryp, áleýmettik qyzmet kórsetý júiesin odan ári jańǵyrtý kózdelýde», – dedi ministr.
Atap aitqanda, ótinish berýshiden AÁQ kórsetýdiń proaktivti formatyna kóshý kózdeledi. Ol úshin arnaiy qyzmetke muqtaj azamattardyń biryńǵai áleýmettik tirkelimi qurylady. Onyń bazasynda azamattardyń ótinishin kútpei, proaktivti formatta arnaiy áleýmettik qyzmet kórsete otyryp, qajettilikter kartasy qalyptastyrylady, el aýqymynda qyzmetterdiń qoljetimdiligi aiqyndalady.
Sondai-aq arnaýly áleýmettik qyzmet alýshylardyń otbasynyń jumyssyz múshelerin áleýmettik qyzmetterge tartý josparlanýda. Olarǵa tiisti eńbekaqy, áleýmettik aýdarymdar jáne eńbek ótilindegi osy qyzmet túrin eskere otyryp, jeke kómekshi retinde resimdeý múmkindigi beriledi. Qatysýshylarǵa qoiylatyn negizgi talap olardyń osyndai qyzmetterdi kórsetý úshin tiisti daǵdylarynyń, ikemi men biliktilikteriniń bolýy qajet.
Budan basqa iri internat-úilerde qyzmet kórsetýden AÁQ-ni alýshylardyń turatyn jerlerinde ornalasqan shaǵyn jinaqtalǵan áleýmettik qyzmet kórsetý uiymdarynda qyzmet kórsetýge kóshý kózdeledi. Mundai uiymdardy damytý jeke sektor sýbektilerine memlekettik tapsyrysty keńeitý jolymen júzege asyrylatyn bolady. Óz kezeginde, iri internat-úiler jańa tehnologiialardy engizý jáne áleýmettik qyzmetkerlerdiń biliktiligin arttyrý boiynsha áleýmettik qyzmet kórsetý júiesiniń ǵylymi-ádistemelik ortalyqtaryna nemese áleýmettik qyzmet kórsetýdiń kópsalaly shaǵyn úilerine kezeń-kezeńimen aýystyrylatyn bolady.
Sonymen qatar, tirshilik áreketiniń shektelý dárejesine nemese ómirlik qiyn jaǵdaidyń túrine bailanysty áleýmettik qyzmetkerlerdiń is-qimyldarynyń qadamdyq algoritmin qamtityn arnaýly áleýmettik qyzmetterdiń qolda bar standarttary ózektendiriletin jáne ázirlenetin bolady.
Áleýmettik qyzmet kórsetýge muqtaj adamdarǵa arnaýly taýarlar men qyzmetterdi, qyzmet kórsetý uiymdaryn tańdaýmen qatar olarǵa qyzmet kórsetetin áleýmettik qyzmetkerlerdi tańdaý múmkindigi de beriletin bolady.
«Áleýmettik qyzmetkerler tizilimi qalyptastyrylady, onda olardyń biliktiligi, kórsetiletin qyzmetterdiń túrleri men sapasy, jumys nátijeleri týraly aqparat qamtylatyn bolady. Áleýmettik qyzmetkerler úshin jumys berýshilerdiń daiyndalyp jatqan kadrlardyń bilim deńgeiine, daǵdylary men biliktilikterine qoiylatyn talaptaryn kórsetetin kásibi standarttar ázirlenedi. Usynylatyn qyzmetterdiń biliktilik deńgeiin, sanaty men ereksheligin eskeretin eńbekaqy tóleýdiń jańa júiesi ázirlenetin bolady», – dep túiindedi Tamara Dúisenova.
