Biz meningokoktiń taralý sebebimen emes, saldarymen kúresip jatyrmyz. Bul týraly búgin «Nur Otan» partiiasynyń hatshysy Tamara Dúisenova aitty, dep habarlaidy QazAqparat tilshisi.
«Sizder naýqaspen bailanysta bolǵandarmen jan-jaqty jumys júrgizgenderińizdi qalaimyz. Árbir óńirde tetikteri aiqyndalǵan. Aýlalardy aralaityndyqtaryńyzdy nemese uiymdastyrylǵan toppen úilerge baratyndyqtaryńyzdy bilesizder. Qazir biz derttiń saldarymen kúresip jatyrmyz. Eń aldymen sebebimen anyqtaýymyz qajet edi», - dedi Tamara Dúisenova «Nur Otannyń» ortalyq apparatynda barlyq óńirlermen beinekonferentsiia arqyly ótken jiynda.
Onyń aitýynsha, ýchaskelik dárigerden bastap oblystyq densaýlyq saqtaý basqarmasynyń bastyǵyna deiin bul jumysqa jumyldyrylýy tiis. Sonymen qatar Tamara Dúisenova «Nur Otannyń» barlyq filialdarynyń birinshi basshylaryn juqpadan qaza tapqandarmen bailanysta bolǵandardyń jiti tekserilýin nazarda ustaýy qajettigin basa aitty.
«Bailanysta bolǵandar elimiz boiynsha kóp emes, 4 myń adamdy quraidy. Olardy tekserý qalai júrip jatyr jáne qajet bolsa aýrýhanaǵa jatqyzylýyn qamtamasyz etý qajet. Dári-dármek qor men rezervtik tósek-orynǵa qatysty máselesi sheshilgen dep oilaimyn. Dárigerlerge keńes berý úshin respýblikalyq deńgeide barlyq telekommýnikatsiialyq tehnologiialardy iske qosqan jón bolar. Meditsina qyzmetkerlerine nusqaýlyq berip, halyqty jappai aqparattandyrý qajet», - dedi partiia hatshysy.
Sonymen qatar Tamara Dúisenova meningokokke shaldyqqandardyń barlyǵyn bir antibiotikpen emdeýge bolmaityndyǵyn aitqan edi.
