«Nur Otan» partiiasynyń respýblikalyq qoǵamdyq qabyldaý bólmesinde partiia Hatshysy Tamara Dúisenova azamattardy qabyldady. Ońtústik Qazaqstan, Qostanai oblystarynyń azamattary óz aryz-shaǵymdaryn beinebailanys arqyly jetkizdi. Bas-aiaǵy on úsh aryz-shaǵym qaraldy.
Kelgen azamattardyń ótinishteri san salaly. Shaǵyn jáne orta biznesti damytýyna ákimshilik qyzmetkerleri tarapynan jasalyp otyrǵan úlkendi-kishili kedergilerden bastap, densaýlyq pen jumysqa ornalasý, zeinetkerlerdiń alyp otyrǵan zeinetaqylaryna kóńiltolmaýshylyqtary, sot sheshimine narazylyq, múgedektik máselesine deiingi suraqtar búgingi qabyldaýda qaraldy.
Azamattardyń talap-tilegin qanaǵattandyrý maqsatynda Tamara Qasymqyzy onlain rejimde qatysyp otyrǵan aimaqtardaǵy ákimdikter ókilderi men Astana qalasy ákimdigi, sondai-aq basqa da quziretti organdar ókilderine shuǵyl tapsyrmalar berip, azamattardyń ótinishteri aiaq asty qalmaýyn, ýaqtyly sheshim tabýyn qadaǵalaýdy tapsyrdy.
Sonymen qatar, Tamara Dúisenova: Memleket tarapynan áleýmettik áljýaz toptarǵa kómek jaily biraz baǵdarlamalar bar. Sol jóninde búgin olarǵa jaqsy baǵyt-baǵdar berdik. Búgin qaralyp jatqan máselelerdiń barlyǵy bizdiń memlekettik jáne jergilikti organdardyń baqylaýyna alynady jáne ol máselelerdiń ońynan sheshilýine barynsha múmkindik jasaimyz, - dedi.
