Foto:gov.kz
Qazaqstannyń saýda jáne integratsiia ministrliginiń tehnikalyq retteý jáne metrologiia komiteti tamaq jetkizý qyzmetine bailanysty jańa standartty bekitti, dep habarlaidy Ult.kz.
QR SIM Tehnikalyq retteý jáne metrologiia komiteti QR ST 3988-2024 «Qoǵamdyq tamaqtaný qyzmetteri. Tutynýshylardyń tapsyrysy boiynsha qoǵamdyq tamaqtandyrý ónimderin jetkizý. Jalpy talaptar» qujatyn bekitti, ol 2025 jyldyń 1 qańtarynan bastap qoldanysqa engizildi.
Standartty QR SIM Saýda Komitetiniń bastamasy boiynsha Qazaqstan standarttaý jáne metrologiia institýty ázirledi.
«Osy standartty qoldanýdan qoǵamdyq tamaqtandyrý ónimderin jetkizý naryǵyndaǵy talaptardyń ashyqtyǵy men birizdiligi qamtamasyz etiledi, tutynýshylardyń kórsetiletin qyzmetterge degen senim deńgeii artady jáne Qazaqstan Respýblikasynda azyq-túlik qaýipsizdigi júiesiniń nyǵaiýyna yqpal etedi», - dep atap ótti Tehnikalyq retteý jáne metrologiia komitetiniń tóraǵasy Janna Esenbekova.
Mysaly, standartqa sáikes kýrerlerde meditsinalyq tekserýden ótkeni týraly belgisi bar belgilengen úlgidegi jeke meditsinalyq kitapsha bolýǵa tiis jáne olar kásibi gigienalyq daiyndyqtan ótýge, sondai-aq jalpy qabyldanǵan normalar men minez-qulyq erejelerin basshylyqqa alýǵa tiis.
Budan basqa, qoǵamdyq tamaqtandyrý ónimderin tapsyrysta kórsetilgen oryn boiynsha tutynýshylarǵa jetkizý kezinde jáne tapsyrystardy berý pýnktterinde qaptamanyń tasymaldaý barysynda syrtqy zaqymdanýyn anyqtaý úshin tapsyrystaǵy ónimdi tekserý múmkindigi berilýge tiis.
Qabyldanǵan standart meiramhanalardyń, kafelerdiń, logistikalyq kompaniialardyń jáne kýrerlerdiń tamaq jetkizý qyzmetiniń sapasyn arttyrýǵa arnalǵan.
