فوتو:gov.kz
قازاقستاننىڭ ساۋدا جەنە ينتەگراتسييا مينيسترلٸگٸنٸڭ تەحنيكالىق رەتتەۋ جەنە مەترولوگييا كوميتەتٸ تاماق جەتكٸزۋ قىزمەتٸنە بايلانىستى جاڭا ستاندارتتى بەكٸتتٸ, دەپ حابارلايدى Ult.kz.
قر سيم تەحنيكالىق رەتتەۋ جەنە مەترولوگييا كوميتەتٸ قر ست 3988-2024 «قوعامدىق تاماقتانۋ قىزمەتتەرٸ. تۇتىنۋشىلاردىڭ تاپسىرىسى بويىنشا قوعامدىق تاماقتاندىرۋ ٶنٸمدەرٸن جەتكٸزۋ. جالپى تالاپتار» قۇجاتىن بەكٸتتٸ, ول 2025 جىلدىڭ 1 قاڭتارىنان باستاپ قولدانىسقا ەنگٸزٸلدٸ.
ستاندارتتى قر سيم ساۋدا كوميتەتٸنٸڭ باستاماسى بويىنشا قازاقستان ستاندارتتاۋ جەنە مەترولوگييا ينستيتۋتى ەزٸرلەدٸ.
«وسى ستاندارتتى قولدانۋدان قوعامدىق تاماقتاندىرۋ ٶنٸمدەرٸن جەتكٸزۋ نارىعىنداعى تالاپتاردىڭ اشىقتىعى مەن بٸرٸزدٸلٸگٸ قامتاماسىز ەتٸلەدٸ, تۇتىنۋشىلاردىڭ كٶرسەتٸلەتٸن قىزمەتتەرگە دەگەن سەنٸم دەڭگەيٸ ارتادى جەنە قازاقستان رەسپۋبليكاسىندا ازىق-تٷلٸك قاۋٸپسٸزدٸگٸ جٷيەسٸنٸڭ نىعايۋىنا ىقپال ەتەدٸ», - دەپ اتاپ ٶتتٸ تەحنيكالىق رەتتەۋ جەنە مەترولوگييا كوميتەتٸنٸڭ تٶراعاسى جاننا ەسەنبەكوۆا.
مىسالى, ستاندارتقا سەيكەس كۋرەرلەردە مەديتسينالىق تەكسەرۋدەن ٶتكەنٸ تۋرالى بەلگٸسٸ بار بەلگٸلەنگەن ٷلگٸدەگٸ جەكە مەديتسينالىق كٸتاپشا بولۋعا تيٸس جەنە ولار كەسٸبي گيگيەنالىق دايىندىقتان ٶتۋگە, سونداي-اق جالپى قابىلدانعان نورمالار مەن مٸنەز-قۇلىق ەرەجەلەرٸن باسشىلىققا الۋعا تيٸس.
بۇدان باسقا, قوعامدىق تاماقتاندىرۋ ٶنٸمدەرٸن تاپسىرىستا كٶرسەتٸلگەن ورىن بويىنشا تۇتىنۋشىلارعا جەتكٸزۋ كەزٸندە جەنە تاپسىرىستاردى بەرۋ پۋنكتتەرٸندە قاپتامانىڭ تاسىمالداۋ بارىسىندا سىرتقى زاقىمدانۋىن انىقتاۋ ٷشٸن تاپسىرىستاعى ٶنٸمدٸ تەكسەرۋ مٷمكٸندٸگٸ بەرٸلۋگە تيٸس.
قابىلدانعان ستاندارت مەيرامحانالاردىڭ, كافەلەردٸڭ, لوگيستيكالىق كومپانييالاردىڭ جەنە كۋرەرلەردٸڭ تاماق جەتكٸزۋ قىزمەتٸنٸڭ ساپاسىن ارتتىرۋعا ارنالعان.
