Aýǵanstannyń qulaǵan úkimeti tusynda jumys istegen prokýrorlar ómiri úshin alańdaidy. Olar "túrmeden bosatylǵan qylmyskerler kek alady" deidi.
Qazir eks-prokýrorlar bas saýǵalap júr. Olardy tálipter túrmeden bosatqan adamdar izdep júr. Eldi basyp alǵan "Taliban" qozǵalysy (Joǵarǵy sot sheshimine sáikes, Qazaqstanda qozǵalysqa tyiym salynǵan) barlyq túrmedegi tutqyndardy bosatqan.
Azattyq radiosynyń Aýǵan qyzmetine Aýǵanstandaǵy advokattar túrmedegi tutqyndardy bosatqan kúni úsh prokýror óltirilgenin jetkizgen.
"Taliban" qozǵalysy tutqyndar eshkimnen kek almaidy dep málimdegen. Biraq burynǵy sheneýnikterdiń ólimine tálipter eshqandai pikir bildirmedi.
Kabýlda osyǵan deiin prokýror bolyp jumys istegen Jámila (aty-jóni ózgertilgen) esimdi áiel qazir elden ketýge áreket jasap jatqanyn aitady.
"Aqparat quraldary bizdiń únimizdi álemge jetkizse eken deimin. Halyqaralyq qaýymdastyq bizdi shyǵaryp alýǵa qol ushyn berýi kerek", - deidi ol.
Ulybritaniia birqatar sot jáne prokýratýra qyzmetkerlerin Aýǵanstannan shyǵaryp alǵan.
