«Talgo» poiyzynda qyzdy zorlap, kináli dep tanylǵan jolseriktiń ákesi de jalǵan aqparat bergeni úshin sottaldy. Bul týraly Nur-Sultan qalalyq sotynan málim etti, dep habarlaidy QazAqparat.
Taratylǵan aqparatqa qaraǵanda, azamatsha K. S.Qurmanizov pen A.Tórálievany jala japqandary úshin qylmystyq jaýapkershilikke tartý týraly jeke aiyptaýmen shaǵym túsirdi.
«Talgo» poiyzyndaǵy jolserikterdiń zorlaý qylmystyq isi boiynsha zardap shegýshi azamatsha sottalýshynyń ákesi S.Qurmanizov pen ekinshi sottalýshynyń jubaiy A.Tórálievany bloger T.Berdońǵarovqa bergen suhbattary barysynda ony poiyz jolserikterinen aqsha bopsalady dep qasaqana jalǵan málimetter taraqandary úshin aiyptady. Atalǵan suhbat T.Berdońǵarovtyń YouTube-arnasynda jariialanǵan.
«Buǵan qosa, ol aiyptalýshylardan jalpy 15 mln teńge somasynda moraldyq shyǵyn óndirip alý, sonymen qatar T.Berdońǵarovqa YouTube-arnasyndaǵy videony óshirýge jáne ondaǵy málimetterdi teriske shyǵarýǵa májbúrleý týraly talap qoidy. Sot úkimimen S.Qurmanizov jeke aiyptaýshynyń ar-namysyna nuqsan keltiretin qasaqana jalǵan aqparatty buqaralyq aqparat quraldary arqyly jariia túrde taratqany úshin QR Qylmystyq kodeksiniń 130-baby 2-bóligi boiynsha 6 ai merzimge probatsiialyq baqylaý qoiýmen bas bostandyǵynan shekteýge sottaldy. Sottyń dál osy úkimimen A.Tórálieva QR QK 130-baby 2-bóliginde kózdelgen qylmystyq quqyq buzýshylyqty jasamaǵan dep tanyldy jáne qylmys quramynyń bolmaýyna bailanysty aqtaldy», - delingen taratylǵan aqaratta.
Isti qaraý barysynda sot jariialanǵan videorolikke psihologiialyq-filologiialyq zertteý nátijesin nazarǵa alǵan. Onda S.Qurmaniiazov zardap shegýshi K. ózderinen 2 mln teńgeden aqsha talap etkendigin aitady. Al sotta anyqtalǵandai, Qurmaniiazov bul málimetti shyndyqqa janaspaityndyǵyn bile tura taratqan. Sot jazany taǵaiyndaý barysynda sottalýshynyń buryn qylmystyq jaýapkerlikke tartylmaǵandyǵyn, jasaǵan qylmystyq quqyq buzýshylyǵy jeńil qylmys sanatyna jatatyndyǵyn jáne zardap shekken azamatsha K.-dan qatań jaza taǵaiyndaý týraly ótinish túspegendigin qaperge alǵan.
Al A.Tórálieva atalǵan málimetti óziniń sottalýshy jubaiynyń aitqan sózderi negizinde habarlaǵandyǵy anyqtaldy. Iaǵni ol bergen málimetteri jalǵan ekendigin bilmegen. Sol sebepti sot ony aqtady.
«Sot sheshimimen S.Qurmaniiazovtan zardap shegýshiniń paidasyna 1 mln teńge moraldyq zalal men sot shyǵystary óndirip alyndy. Zardap shegýshiniń A.Tórálievaǵa qatysty azamattyq shaǵymy onyń aqtalýyna bailanysty qaraýsyz qaldyryldy. T.Berdońǵarovqa qatysty internet-resýrstan videony óshirý jáne ondaǵy málimetti teriske shyǵarý týraly talap ta qaralǵan joq. Sebebi qylmystyq protseste qylmystyq quqyq buzýmen tikelei kelgen shyǵyndy óndirip alý týraly azamattyq shaǵymdar ǵana qaralady», - dep atap ótedi sottan.
Eske salaiyq, 2018 jyldyń 26 qyrkúieginde «Nurly jol – Aqtóbe» baǵytyndaǵy «Talgo» poiyzymen ǵylymi konferentsiiadan qaityp kele jatqan aqtóbelik boijetkendi eki jolserik zorlaǵan. Bul týraly alǵash «NeMolchiKZ» qoǵamdyq qorynyń basshysy Dina Smailovanyń Facebook-paraqshasynda jazdy.
2019 jyldyń 26 shildesinde jolserikterge sot úkimi shyqty. Kúdiktiler jymysqy áreketin iske asyrǵan kezde poiyz Qostanai oblysynyń Taran aýdany aýmaǵynda bolǵandyqtan, is Taran aýdandyq sotynda qaraldy.
«Jetes Úmbetáliev pen Qolqanat Qurmaniiazovqa qatysty isti qarap, olar 120-baptyń 1-bóligine sáikes aiypty dep tanylsyn jáne olardyń árbirine 2 jyl 6 ai merzimge bas bostandyǵynan aiyrý jazasy berilsin. Olar jazany qylmystyq atqarý júiesiniń qaýipsizdik deńgeii ortasha mekemesinde óteidi. Sottalýshylar sot zalynda qamaýǵa alynsyn», - dedi Qostanaidyń №2 qalalyq sotynda sýdia Satybaldy Orazbai. Budan tys, sottalýshylardyń árqaisysy 15 AEK mólsherinde aiyppul, sondai-aq protsestik shyǵyndar úshin memleketke árqaisysy 717 myń teńge tóleýge mindetteldi.
Eki kúnnen keiin Bas kólik prokýrory sot úkiminiń zańdylyǵy tekseriletinin málim etti. Sebebi sottaǵy jaryssóz kezinde prokýror aiyptaýdy tolyǵymen qoldaǵan ári aiyptylarǵa 6 jyl 6 ai merzimge bas bostandyǵynan aiyrý jazasyn belgileýdi suraǵan. «Sot basqasha sheshim qabyldady. Qazirgi kezde sottyń úkimi zańǵa sai nemese qaishy ekendigi jáne onyń negizi tekserilip jatyr», - dep jazdy Bas kólik prokýrory E. Sybanqulov Facebook-tegi paraqshasynda.
2019 jyldyń 22 tamyzynda Qostanai sotynda jolserikterge qatysty apelliatsiialyq shaǵymdar qaralyp, birinshi instantsiiadaǵy úkimniń kúshin joiý týraly sheshim qabyldandy.
Osy jyldyń 25 jeltoqsanynda Qostanaidyń №2 qalalyq sotynda «Tulpar-Talgo» poiyzynyń jolserikterine úkim qaita shyǵaryldy.
«Sot úkimimen poiyz jolserikteri Qolqanat Qurmaniiazov pen Jetes Úmbetáliev QR QK 120-babymen 5 jylǵa bas bostandyǵynan aiyryldy. Olar jazany qylmystyq atqarý júiesiniń qaýipsizdik deńgeii ortasha mekemesinde óteidi», - dedi vedomstvonyń baspasóz qyzmetindegiler.
