Senator Talǵat Musabaev Tájikstandaǵy prezident sailaýynda baiqaýshy bolady, dep habarlaidy "Ult aqparat".
«QR Parlamenti Senatynyń depýtaty Talǵat Musabaev TMD elderi Parlamentaralyq assamleiasy atynan halyqaralyq baiqaýshylar tobynyń jumysyna qatysady. Senator baiqaýshylar toby quramynda Tájikstan Parlamenti eki palatasynyń tóraǵalarymen kezdesýdi josparlap otyr. Eldiń prezidenttik sailaýǵa sailaýaldy naýqany jáne daiyndyǵy Ortalyq sailaýlar men referendýmdar jónindegi komissiia tóraǵasymen birge talqylanatyn bolady» delingen Senat baspasóz qyzmeti taratqan aqparatta.
Sonymen qatar, senator prezidenttikke kandidattardyń sailaýaldy shtabtarynyń jetekshilerimen kezdesedi dep josparlanǵan.
Senattyń málimetinshe, Talǵat Musabaevtyń baiqaýshy retindegi jumysy 11 qazan kúni Dýshanbedegi sailaý ýchaskeleriniń ashylýymen bastalady. Ol daýys berý pýnkterine barady.
Sailaý ýchaskeleri jabylǵannan keiin TMD Parlamentaralyq assambleiasynyń ókilderi qorytyndy jiynda bas qosady.
Baiqaýshylar óz qorytyndylaryn sailaýdan keiingi kúni ótetin baspasóz máslihaty barysynda jariia etedi.
