Talǵat Musabaev Aeroǵarysh komitetiniń tóraǵasy qyzmetinen bosatyldy. Investitsiialar jáne damý ministri Jeńis Qasymbek komitetke jańa basshynyń taǵaiyndalǵanyn óziniń Feisbýktegi paraqshasynda habarlady.
"Qurmetti, dostar!
Sizderge QR Investitsiialar jáne damý ministrligi Aeroǵarysh komitetiniń tóraǵasy laýazymyna jańadan taǵaiyndalǵan Erkin Mustafauly Shaimaǵambetovpen tanystyrýdy jón kórip otyrmyn.
Erkin Mustafauly buǵan deiin Aeroǵarysh komiteti tóraǵasynyń orynbasary boldy. Aviatsiia, ǵarysh salasynda jinaǵan mol tájiribesi jańa qyzmetinde úlken tabystarǵa jetýine septigin tigizedi dep oilaimyn.
E.M.Shaimaǵambetov eńbek jolyn 1995 jyly Máskeý memlekettik aviatsiia institýtynyń Baiqońyr qalasyndaǵy «Voshod» filialynda aǵa laborant, 2 sanatty injener bolyp bastap, 1998-1999 jyldary QR Ǵylym ministrligi – Ǵylym Akademiiasynyń Ulttyq aeroǵarysh agenttiginiń «Baiqońyr» ǵarysh ailaǵy basqarmasynyń bas sarapshysy, bólim bastyǵy, 2000-2005 jyldary QR Energetika, indýstriia jáne saýda ministrligi Aeroǵarysh komitetiniń bólim bastyǵy, QR Kólik jáne kommýnikatsiia ministrligi Aeroǵarysh komitetiniń bólim bastyǵy, 2005-2006 jyldary «Baiqońyr» ǵarysh ailaǵy basqarmasynyń bastyǵy, 2006-2007 jyldary QR Bilim jáne ǵylym ministrliginiń Aeroǵarysh komiteti tóraǵasynyń orynbasary, 2007-2014 jyldary QR Ulttyq ǵarysh agenttigi tóraǵasynyń orynbasary qyzmetin atqardy. 2014 jyldyń qazan aiynan bastap búginge deiin QR Investitsiialar jáne damý ministrligi Aeroǵarysh komitetiniń tóraǵasynyń orynbasary bolyp qyzmet atqardy" dep jazǵan ministr" delingen habarlamada.
Ult portaly
