تالعات مۇساباەۆ اەروعارىش كوميتەتٸنٸڭ تٶراعاسى قىزمەتٸنەن بوساتىلدى. ينۆەستيتسييالار جەنە دامۋ مينيسترٸ جەڭٸس قاسىمبەك كوميتەتكە جاڭا باسشىنىڭ تاعايىندالعانىن ٶزٸنٸڭ فەيسبۋكتەگٸ پاراقشاسىندا حابارلادى.
"قۇرمەتتٸ, دوستار!
سٸزدەرگە قر ينۆەستيتسييالار جەنە دامۋ مينيسترلٸگٸ اەروعارىش كوميتەتٸنٸڭ تٶراعاسى لاۋازىمىنا جاڭادان تاعايىندالعان ەركٸن مۇستافاۇلى شايماعامبەتوۆپەن تانىستىرۋدى جٶن كٶرٸپ وتىرمىن.
ەركٸن مۇستافاۇلى بۇعان دەيٸن اەروعارىش كوميتەتٸ تٶراعاسىنىڭ ورىنباسارى بولدى. اۆياتسييا, عارىش سالاسىندا جيناعان مول تەجٸريبەسٸ جاڭا قىزمەتٸندە ٷلكەن تابىستارعا جەتۋٸنە سەپتٸگٸن تيگٸزەدٸ دەپ ويلايمىن.
ە.م.شايماعامبەتوۆ ەڭبەك جولىن 1995 جىلى مەسكەۋ مەملەكەتتٸك اۆياتسييا ينستيتۋتىنىڭ بايقوڭىر قالاسىنداعى «ۆوسحود» فيليالىندا اعا لابورانت, 2 ساناتتى ينجەنەر بولىپ باستاپ, 1998-1999 جىلدارى قر عىلىم مينيسترلٸگٸ – عىلىم اكادەميياسىنىڭ ۇلتتىق اەروعارىش اگەنتتٸگٸنٸڭ «بايقوڭىر» عارىش ايلاعى باسقارماسىنىڭ باس ساراپشىسى, بٶلٸم باستىعى, 2000-2005 جىلدارى قر ەنەرگەتيكا, يندۋسترييا جەنە ساۋدا مينيسترلٸگٸ اەروعارىش كوميتەتٸنٸڭ بٶلٸم باستىعى, قر كٶلٸك جەنە كوممۋنيكاتسييا مينيسترلٸگٸ اەروعارىش كوميتەتٸنٸڭ بٶلٸم باستىعى, 2005-2006 جىلدارى «بايقوڭىر» عارىش ايلاعى باسقارماسىنىڭ باستىعى, 2006-2007 جىلدارى قر بٸلٸم جەنە عىلىم مينيسترلٸگٸنٸڭ اەروعارىش كوميتەتٸ تٶراعاسىنىڭ ورىنباسارى, 2007-2014 جىلدارى قر ۇلتتىق عارىش اگەنتتٸگٸ تٶراعاسىنىڭ ورىنباسارى قىزمەتٸن اتقاردى. 2014 جىلدىڭ قازان ايىنان باستاپ بٷگٸنگە دەيٸن قر ينۆەستيتسييالار جەنە دامۋ مينيسترلٸگٸ اەروعارىش كوميتەتٸنٸڭ تٶراعاسىنىڭ ورىنباسارى بولىپ قىزمەت اتقاردى" دەپ جازعان مينيستر" دەلٸنگەن حابارلامادا.
ۇلت پورتالى
