Ulttyq qoǵamdyq senim keńesiniń múshesi Talǵat Qaliev ekinshi márte ótkizilgen keńes otyrysynyń negizgi nátijelerin atady, dep habarlaidy "Ult aqparat".
«Jumys toptarynyń otyrystarynda jasalǵan usynystardyń kópshiligi qoldaý tapty dese de bolady. Keiingi ailarda múddeli memlekettik organdardyń, Prezident Ákimshiliginiń basshylyǵymen ótkizilgen kezdesýlerde aldyńǵy otyrystardyń usynystary keńinen talqylanǵan bolatyn. Saiasi modernizatsiialaý tobynyń nátijeleriniń biri - mitingiler týraly habarlaý júiesine kóshý. Bul óte mańyzdy qadam», - dep jazdy Talǵat Qaliev Facebook-te.
Sarapshynyń aitýyna qaraǵanda, saiasi partiialardyń múshelerin tirkeýdi 40 myńnan 20 myńǵa azaitý isine de nazar aýdarǵan abzal.
«Bul kóp pe, az ba? 17 óńirge eseptep bólseńiz, bir partiia úshin 1176 adam kerek degen sóz. Blogerlerdiń jazylýshylary myńdap ketken áleýmettik jeliniń zamanynda óz partiiańyzdyń qataryn op-ońai jinap alýǵa bolady. Oppozitsiialyq partiia ókilderine Parlamenttegi jetekshi pozitsiialar beriletin boldy. Májilistegi komitettiń basshysy laýazym qarapaiym depýtattyq mandattan góri kez kelgen partiia úshin edáýir jol ashyp tur. Sózsiz, mundai jaǵdaida Parlament pikirtalasqa beiim ári batyl bolýy tiis», - dedi ol.
Talǵat Qaliev sonymen qatar Memleket basshysynyń Esep komiteti aýditiniń jariialy bolýy kerektigi týraly sheshimin aityp ótti.
«Jańashyldyqta ekonomikalyq sipat basym desek te, bul sheshimniń saiasi mańyzy da joǵary. Sebebi, osy ózgeris azamattyq sektordyń quzyretin arttyrady. Jala jabý týraly baptyń dekriminalizatsiialanýy otandyq jýrnalisterdi jigerlendire túsýi kerek», - dedi Talǵat Qaliev.
