Foto: ashyq derekkóz
Direktorlar keńesiniń sheshimimen «Kazakh Tourism» UK» AQ Basqarma tóraǵasy laýazymyna Talǵat Ǵazizov taǵaiyndaldy, dep habarlaidy Ult.kz.
Talǵat Ǵazizov 1986 jylǵy 21 qazanda Astana qalasynda dúniege kelgen. Ol E.A.Bóketov atyndaǵy Qaraǵandy memlekettik ýniversitetin, ál-Farabi atyndaǵy Qazaq ulttyq ýniversitetiniń magistratýrasyn, «Bolashaq» baǵdarlamasy boiynsha Maiami ýniversitetin támamdaǵan.
Eńbek jolyn akademik E.A.Bóketov atyndaǵy Qaraǵandy memlekettik ýniversitetiniń dúniejúzi tarihy jáne halyqaralyq qatynastar kafedrasynyń oqytýshysy qyzmetinen bastaǵan. Keiin QR Mádeniet jáne aqparat ministrliginiń vedomstvolyq uiymdarynda túrli pozitsiialarda eńbek etti. «Zerde» ulttyq infokommýnikatsiialyq holdingi» AQ aqparattyq qoldaý jáne PR ilgeriletý departamentiniń direktory qyzmetin atqardy. «AMANAT» partiiasy ortalyq apparatynyń Kommýnikatsiialar jáne taldaý departamentin basqardy. AQGroup kompaniialar tobynda basqarýshy direktor, «Qazposhta» AQ filialy direktorynyń orynbasary boldy.
