QR Bilim jáne ǵylymi ministriniń buiryǵymen Talǵat Iliiasuly Eshenqulov Bilim jáne ǵylym salasyndaǵy baqylaý komitetiniń tóraǵasy bolyp taǵaiyndaldy.
Aita ketsek, Talǵat Eshenqulov 1978 jyly Jambyl oblysynda dúniege kelgen. 1999 jyly M.H.Dýlati atyndaǵy Taraz memlekettik ýniversitetin úzdik, 2010 jyly Qazaqstan Respýblikasynyń Prezidenti janyndaǵy Memlekettik basqarý akademiiasynyń Ulttyq memlekettik saiasat mektebin támamdaǵan. Ekonomika jáne iýrisprýdentsiia salalaryndaǵy maman biliktiligine, sondai-aq «Memlekettik jáne jergilikti basqarý» beiini boiynsha PhD doktory dárejesine ie. Memlekettik basqarý jáne bilim berý júiesin damytý salasynda 2 oqý quraly men 19 ǵylymi maqalanyń teń avtory.
2006-2012 jyldary Indiana ýniversitetetinde (AQSh), Singapýr Ulttyq ýniversitetiniń Li Kýan Iu atyndaǵy Memlekettik saiasat mektebinde, Diýk Ýniversitetiniń Sendford memlekettik saiasat mektebinde (AQSh), Gollandiia memlekettik basqarý institýtynda (Gaaga, Niderlandy), Ońtústik Koreiadaǵy Memlekettik aýdit institýtynda memleketik basqarý jáne aýdit máseleleri boiynsha oqytý baǵdarlamalarynan ótken.
Eńbek jolyn 2000 jyly sot júiesi organdarynda bastaǵan. Qazaqstan Respýblikasynyń Qarjy ministrliginde, Qazaqstan Respýblikasynyń Joǵarǵy Sotynda, Respýblikalyq biýdjettiń atqarylýyn baqylaý jónindegi esep komitetinde túrli basqarýshylyq qyzmetter atqarǵan. 2007–2011 jyldary Qazaqstan Respýblikasy Bilim jáne ǵylym ministrliginiń Balalar quqyqtaryn qorǵaý komitetiniń Jambyl oblysyndaǵy Balalar quqyqtaryn qorǵaý departamentin basqarǵan.
2016 jyly shildede Bilim jáne ǵylym salasyndaǵy baqylaý komiteti tóraǵasynyń orynbasary bolyp taǵaiyndaldy. 7.03.2018 jyldan 13.09.2018 jyl aralyǵynda negizgi qyzmetkerderiń áleýmettik demalysy kezinde Qazaqstan Respýblikasy bilim jáne ǵylym vitse-ministri laýazymyn atqardy. 2018 jylǵy 14 qyrkúiekten bastap Bilim jáne ǵylym salasyndaǵy baqylaý komitetiniń tóraǵasy qyzmetin atqarǵan. 2019 jylǵy aqpannan bastap Qazaqstan Respýblikasy Bilim jáne ǵylym vitse-ministri qyzmetinde boldy.
