Foto: Gov.kz
Ishki ister ministri Erjan Sadenov Talǵardaǵy Sherzat Polattyń ólimine bailanysty depýtattardyń saýalyna jaýap berdi. Onyń sózinshe, atalǵan derekke qatysty bes bap boiynsha is qozǵalǵan, dep habarlaidy Stan.kz.
Ministr Talǵar qalasynda oryn alǵan Sherzattyń ólimine qatysty Qylmystyq kodeksiniń 99-babynyń 2-bóligi (adam óltirý), 293-babynyń 3-bóligi (buzaqylyq), 115-baby (qorqytý), 432-baby (qylmysty jasyryp qalý) jáne 434-babymen (qylmys týraly habarlamaý) boiynsha qylmystyq ister tergelip jatyr.
"Tergeý barysy meniń jeke baqylaýymda, oqiǵa ornynda ministrliktiń ortalyq apparatynyń qyzmetkerleride jumys isteýde. Alǵashqyda oqiǵanyń sebebine qatysty áleýmettik jelilerde shyndyqqa janaspaityn ártúrli málimetterdiń kóp taralýyna bailanysty ministrlik belgilengen tártipte (Qylmystyq protsestik kodeksiniń 201-babynyń talaptaryna sai) 15 qazanda buqaralyq aqparat quraldary ókilderiniń qatysýymen brifing ótkizip, keibir tergeý málimetterin jariia etti. Brifing qoǵamdy alańdatqan keibir máselelerdi qamtydy", – dedi Sadenov.
Ministrdiń málimetinshe, qazir qasaqana kisi óltirýge qatysty kúdikpen 8 adam jáne qylmys týraly habarlamaý boiynsha 3 adam sottyń sanktsiiasymen qamaýǵa alynǵan.
"Tergeý jalǵasýda, onyń barysynda oqiǵa bolǵan jerde bolǵan basqada adamdardyń qatystylyǵy tekserilip, áreketterine quqyqtyq baǵa beriletin bolady.
Jalpy qazir elimizdegi kriminogendik ahýal turaqty. Iishki ister organdary memleket bBasshysynyń elimizdegi quqyqtyq tártipti qamtamasyz etýge qatysty tapsyrmalaryn oryndaý aiasynda múddeli memlekettik organdarmen birlese otyryp, keshendi sharalar atqarýda", – delingen ministr jaýabynda.
