Talǵar qalasyndaǵy 16 jastaǵy jasóspirimniń ólimine qatysty Qonaev qalasynda brifing ótti. Prokýratýra "Qamajai" dúkeninde ornatylǵan beinekamera jazbasyn jýrnalisterge kórsetti, dep habarlaidy Ult.kz.
Prokýratýra ókilderiniń aitýynsha, kúdikti adamdar ustalyp, sot sanktsiiasymen qamaýǵa alynǵan.
"Ókinishke qarai, biz osy ýaqytqa deiin qylmystyq protsesstik kodekstiń talaptaryna bailanysty shekteýde boldyq. Tergeý málimetterin kópshilikke jariia ete almadyq. Degenmen aqparat keńistiginde jalǵan málimetterdiń tez taralýyna bailanysty prokýratýramen kelisimge kelip, keibir aqparatty ashyq túrde talqylaý úshin búgin jinalyp otyrmyz. Jaǵdaidyń obektivti kórinisin qalyptastyrý úshin biz oqiǵa ornynan tárkilengen beinejazbany usynamyz. Onda árbir qatysýshynyń áreketteri kórsetiledi", – dedi Ishki ister ministriniń birinshi orynbasary Baýyrjan Alenov.
Buǵan deiin Talǵar aýdanynda úidi órteý qylmysy boiynsha barlyq aiǵaqtar alynyp, qajetti saraptamalar júrgizilip jatqanyn jazǵan bolatynbyz.
