Talǵar qarasynda turǵyn úi órtenip, saldarynan úsh adam kóz jumdy, dep habarlaidy "Ult aqparat" QR TJM resmi ókili Talǵat Ýálige silteme jasap.
«10 qarasha saǵat 03.40-ta Almaty oblysy TJD-ne Talǵar qalasynda jeke sektordaǵy úidiń órtengeni týraly habarlama kelip tústi. Oqiǵa ornyna Talǵar qalasyndaǵy №2 mamandandyrylǵan órt sóndirý bóliminiń 6 qyzmetkeri men 2 birlik tehnikasy dereý jiberildi.. Órt sóndirýshiler shaqyrtý ornyna kelgen kezde turǵyn úi (kólemi 5h8) tolyǵymen órtke oranǵan. Sondai-aq, úi tóbesiniń jabyndysy qulaǵany anyqtaldy. Órt sóndirý barysynda oqiǵa ornynan 2012, 2001 jáne 1976 jyldary týǵan úsh adamnyń denesi tabyldy. Órt saǵat 04.06-da oqshaýlanyp, saǵat 04.50-de tolyǵymen sóndirildi», - dedi Talǵat Ýáli.
Órttiń aýmaǵy 40 sharshy metrdi qurady. Órttiń tutaný sebepteri anyqtalýda.
