Foto: polisia.kz
Almaty oblysy Talǵar aýdanyndaǵy Nura aýylynda 24 jastaǵy jigit pyshaq jaraqatynan kóz jumdy. Qaiǵyly oqiǵa 11 mamyr túni bolǵan, dep habarlaidy Ult.kz.
Aldyn ala málimetke súiensek, marqum inisimen birge ákesiniń beiitine baryp, quran baǵyshtap qaityp kele jatqan. Sol sátte joldaryn esigi ashyq turǵan kólik bógegen. Kólikte úsh er adam otyrǵany aitylady.
Aǵaly-inili jigitter kólik ielerinen jol surap, esikti jabýdy ótingen. Alaida qarsy tarap dórekilik tanytyp, janjal týyndaǵan. Marqumnyń týystarynyń aitýynsha, álgi úsh jigit keiin olardyń artynan erip kelgen.
24 jastaǵy jigit kólikten túsken kezde kúdiktilerdiń biri onyń keýde tusyna eki ret pyshaq suqqan. Aýyr jaralanǵan azamat aýrýhanada jan tapsyrdy.
Politsiia kúdiktilerdi ustaý úshin aýyl mańyna blokbeketter qoiǵan. Jedel izdestirý sharalary barysynda marqumnyń úsh aýyldasy qolǵa tústi. Aldyn ala aqparat boiynsha, kúdiktilerdiń biri – 20 jasta.
Atalǵan derek boiynsha "Adam óltirý" jáne "Buzaqylyq" baptarymen qylmystyq is qozǵaldy. Tergeý amaldary júrip jatyr.
