Áleýmettik jelide tóbelesken oqýshylardyń birin zembilmen alyp bara jatqan jedel járdem qyzmetkerleriniń videosy tarady, - dep habarlaidy Massaget.kz.
Video avtory Talǵar qalasyndaǵy №2 mektepte joǵary synyp oqýshylary arasynda tóbeles bolǵanyn aitady.
Sol mańnan ótip bara jatqan adamdardyń biri mektep aýmaǵyndaǵy dárethana janynda tóbelesip jatqandardy toqtatýǵa tyrysyp, daýys kótergen. Biraq aiqaiyna eshkim qulaq aspaǵan soń oǵan tas laqtyrýǵa týra kelgen. Sol kezde birneshe bala jan-jaqqa qasha jóneledi. Tek jerde bir bala uzynnan sulap jatqan. Jedel járdemge qońyraý shalýǵa týra kelgen.
Almaty oblystyq Politsiia departamenti videodaǵy oqiǵa 15 qyrkúiekte Talǵar qalasyndaǵy jalpy bilim beretin mektepterdiń biriniń aýmaǵynda bolǵanyn rastady.
"Joǵary synyptyń eki oqýshysy janjaldasyp, onyń arty tóbeleske ulasqan. Saldarynan 2005 jylǵy oqýshylardyń biri dene jaraqatymen aýrýhanaǵa jatqyzyldy. Aýdan politsiiasynda tóbeles deregi tirkeldi, osyǵan bailanysty tekserý jumystary qolǵa alyndy", - delingen habarlamada.
