Foto: Polisia.kz
Almaty oblysynyń politseileri bopsalaýshylar tobyn ustady, – dep habarlaidy "Ult aqparat" Polisia.kz portalyna silteme jasap.
9 qyrkúiekte Almaty oblysy PD UQQKB-ǵa belgisiz tulǵalarǵa qatysty jedel aqparat kelip túsken. Olar Talǵar qalasynyń kásipkerinen zorlyq-zombylyq qoldaný arqyly aqsha men qymbat kólik talap etken.
"Qylmystyq is kásipkerdiń aryzy negizinde Talǵar aýdanynyń politsiia bóliminde QR QK-nyń 194-baby 2-bóliginiń 2-tarmaǵy (Aldyn ala sóz bailasý boiynsha adamdar toby jasaǵan bopsalaý) boiynsha tirkeldi. Jedel-izdestirý sharalaryn júrgizý barysynda arnaiy bólimshe jaýyngerleriniń qatysýymen Almaty oblysy Politsiia departamentiniń uiymdasqan qylmysqa qarsy kúres bóliminiń qyzmetkerleri aqshalai qarajat alý kezinde Almaty qalasy men Almaty oblysynyń turǵyndary – 20-23 jas aralyǵyndaǵy bes azamatty ustady" - delingen habarlamada.
Kináli tulǵalar Talǵar aýdany politsiia bóliminiń ýaqytsha ustaý izoliatoryna qamaýǵa alyndy. Qazirgi ýaqytta kúdiktilerdiń osyǵan uqsas basqa da qylmystarǵa qatysy bar-joǵy tekserilip jatyr.
