فوتو: Polisia.kz
الماتى وبلىسىنىڭ پوليتسەيلەرٸ بوپسالاۋشىلار توبىن ۇستادى, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
9 قىركٷيەكتە الماتى وبلىسى پد ۇققكب-عا بەلگٸسٸز تۇلعالارعا قاتىستى جەدەل اقپارات كەلٸپ تٷسكەن. ولار تالعار قالاسىنىڭ كەسٸپكەرٸنەن زورلىق-زومبىلىق قولدانۋ ارقىلى اقشا مەن قىمبات كٶلٸك تالاپ ەتكەن.
"قىلمىستىق ٸس كەسٸپكەردٸڭ ارىزى نەگٸزٸندە تالعار اۋدانىنىڭ پوليتسييا بٶلٸمٸندە قر قك-نىڭ 194-بابى 2-بٶلٸگٸنٸڭ 2-تارماعى (الدىن الا سٶز بايلاسۋ بويىنشا ادامدار توبى جاساعان بوپسالاۋ) بويىنشا تٸركەلدٸ. جەدەل-ٸزدەستٸرۋ شارالارىن جٷرگٸزۋ بارىسىندا ارنايى بٶلٸمشە جاۋىنگەرلەرٸنٸڭ قاتىسۋىمەن الماتى وبلىسى پوليتسييا دەپارتامەنتٸنٸڭ ۇيىمداسقان قىلمىسقا قارسى كٷرەس بٶلٸمٸنٸڭ قىزمەتكەرلەرٸ اقشالاي قاراجات الۋ كەزٸندە الماتى قالاسى مەن الماتى وبلىسىنىڭ تۇرعىندارى – 20-23 جاس ارالىعىنداعى بەس ازاماتتى ۇستادى" - دەلٸنگەن حابارلامادا.
كٸنەلٸ تۇلعالار تالعار اۋدانى پوليتسييا بٶلٸمٸنٸڭ ۋاقىتشا ۇستاۋ يزولياتورىنا قاماۋعا الىندى. قازٸرگٸ ۋاقىتتا كٷدٸكتٸلەردٸڭ وسىعان ۇقساس باسقا دا قىلمىستارعا قاتىسى بار-جوعى تەكسەرٸلٸپ جاتىر.
