Foto: Almaty oblysy PD
Talǵar aýdanynda kámeletke tolmaǵan qyzdy zorlady degen kúdikpen ustalyp, ýaqytsha ustaý izoliatorynan qashyp ketken aiypty quryqtaldy. Bul týraly Almaty oblysynyń Politsiia departamentiniń baspasóz qyzmeti habarlaidy.
«Jedel-izdestirý is-sharalary nátijesinde 21 qazanda ýaqytsha ustaý izoliatorynan qashqan kúdikti K. Tereńqara aýylynyń shetinde ustaldy. Izdestirý jumystary bastalǵan sátten bastap politsiianyń barlyq kúshteri jumyldyryldy. Sondai-aq izdeý sharalaryna qoǵam belsendileri men oblys turǵyndary tarapynan qurylǵan erikti jasaqtar atsalysty», - delingen habarlamada.
Jergilikti politsiianyń málimetinshe, kúdikti qaitadan ýaqytsha ustaý izoliatoryna qamaldy.
«Kúdiktige negizgi qylmysynan bólek qamaýdan qashqany úshin aiyp taǵylady», - deidi quzyrly departamentten.
Talǵarda ýaqytsha ustaý izoliatorynan qashyp ketken kúdiktige izdeý jariialanǵan edi.
Artynan Talǵarda izoliatordan qashqan kúdiktiniń oqiǵasy boiynsha salǵyrttyq babymen is qozǵaldy.
