Foto: Stan.kz
Oqiǵa kezinde marqumnyń otbasy bul úide turyp jatpaǵan. Politsiia otbasyny qorǵaý úshin kúzet qoiǵany málim boldy.
Al Bas prokýratýra úidi órteý deregi boiynsha tergeý júrip jatqanyn habarlady.
Almaty oblysynyń ákimdigi kisi qolynan qaza tapqan jasóspirimniń úiinde bolǵan órtke qatysty túsinikteme berdi.
Ákimdik marqumnyń otbasynyń baspanasyn qalpyna keltirýge kómektesetin boldy.
"Almaty oblysynyń ákimdigi Sherzat Bolattyń otbasyna órtten zardap shekken úilerin qalpyna keltirýge kómektesedi. Sonymen qatar qalpyna keltirý jumystary kezinde olarǵa ýaqytsha baspana beriledi", – delingen habarlamada.
Aita keteiik, aidyń basynda Talǵarda tóbeles shyǵyp, 16 jastaǵy jasóspirim qaza bolǵan. Oqiǵaǵa qatysy bar degen 7 kúdikti ustalǵan. Alaida marqumnyń týystary málimdeme jasap, qylmysqa qatysy bar barlyq adam ustalmaǵanyn málimdedi. Artynsha IIM isti erekshe baqylaýyna alǵan.
