Foto: ashyq derekkóz
Almaty oblysynyń Talǵar aýdanynda 20 jastaǵy jigit toptyq shabýyl saldarynan kóz jumdy. Marqumnyń týysy áleýmettik jelide oqiǵanyń egjei-tegjeiin jariialady, dep habarlaidy Ult.kz.
Onyń aitýynsha, 2026 jyldyń 12 sáýirinde inisine 10-nan astam adamnan turatyn top shabýyl jasaǵan. Jábirlenýshi qorshaýda qalyp, qorǵanýǵa múmkindik almaǵan. Alǵan pyshaq jaraqattarynan ol oqiǵa ornynda qaza tapqan.
Týysy bul kezdeisoq janjal emes, aldyn ala uiymdasqan toptyq shabýyl ekenin aityp, qolynda 30-ǵa jýyq kýáger men beinejazba baryn jetkizdi. Sondai-aq ol is boiynsha ázirge bir ǵana kúdiktiniń qamaýda otyrǵanyna narazy ekenin bildirgen.
Almaty oblystyq politsiia departamentiniń málimetinshe, oqiǵa Talǵar aýdanyndaǵy Gúldala aýylyndaǵy meiramhanalardyń birinde bolǵan. Kisi óltirý jáne buzaqylyq derekteri boiynsha eki qylmystyq is qozǵalǵan.
Jedel-izdestirý barysynda 20 jastaǵy kúdikti ustalyp, qamaýǵa alyndy. Buzaqylyq faktisi boiynsha taǵy úsh adam ýaqytsha ustaý izoliatoryna qamalǵan. Eki kúdiktige úiqamaq túrindegi bultartpaý sharasy qoldanylǵan, al bir kámeletke tolmaǵanǵa qatysty oqshaýlaýmen bailanysty emes shekteý sharasy taǵaiyndalǵan.
Politsiia barlyq kýágerler anyqtalyp, jaýap alynǵanyn habarlady. Qazir tergeý is boiynsha barlyq mán-jaidy jan-jaqty anyqtaýǵa baǵyttalǵan. Is oblystyq politsiia departamenti basshylyǵynyń baqylaýynda.
