video kadry
Almaty oblysynda jasóspirimdi qorqytqan bopsalaýshylar ustaldy, - dep habarlaidy Ult.kz Polisia.kz saityna silteme jasap.
Almaty oblysy PD uiymdasqan qylmysqa qarsy kúres basqarmasyna Balqash aýdany Miialy aýylynyń 42 jastaǵy turǵyny júgindi. Áieldiń aitýynsha, 2025 jylǵy 8 aqpanda saǵat 15:00 shamasynda Qyzyl-Qairat aýylynda belgisiz adamdar onyń kámeletke tolmaǵan ulyn kúshtep Hyundai Elantra avtokóligine otyrǵyzyp, belgisiz baǵytqa alyp ketken. Onyń sózine qaraǵanda, kúdiktiler balany uryp-soǵamyz dep qorqytyp, 5 million teńge talap etken.
"Atalǵan fakt boiynsha bopsalaý baby boiynsha qylmystyq is qozǵaldy. Tergeý barysynda kúdiktilerdiń jábirlenýshini internette jeke videosyn taratamyn dep qorqytyp, bopsalaǵany anyqtaldy", – dedi politseiler.
Jedel-izdestirý sharalary barysynda politsiia qyzmetkerleri kúdiktilerdi 500 myń teńgeniń bir bóligin alý kezinde qolǵa túsirdi. Qazirgi ýaqytta olar ýaqytsha ustaý izoliatoryna qamalyp, tergeý amaldary júrgizilip jatyr.
