Foto: RIA Novosti
"Piatyi region" redaktsiiasyna Talǵar aýdany Panfilov aýylynyń turǵyndary júgindi, olar et óńdeý zaýytynyń qurylysyna qarsy. Petitsiiaǵa 170-ten asa adam qol qoidy, - dep habarlaidy Tengrinews.kz agenttigi.
2 jeltoqsanda qoǵamdyq tyńdaý ótetini týraly belgili bolǵan soń aýyl turǵyndarynyń belsendiligi arta túsken.
Habarlandyrý mátininde, zaýyttyń qýaty, sondai-aq tseh qaldyqtary týraly aitylǵan.
"Et kombinaty óndiristik qyzmetiniń qaldyqtary óz tsehynda jemdik unǵa qaita óńdeledi. Jobada jobalanatyn nysandy qosýdyń tehnikalyq sharttaryna sáikes qoldanystaǵy jelilerge qosý arqyly resýrstarmen (elektrmen, sýmen jabdyqtaý jáne kanalizatsiia, gazben jabdyqtaý) qamtamasyz etý qarastyrylǵan", - delingen mátinde.
Aýyl turǵyndary mundai úlken tsehtyń sý qubyryna qosylýy aýyldaǵy sý qysymyn álsiretip, aitarlyqtai qiyndyqtar týǵyzady dep qaýiptenedi.
Sonymen qatar, aýyl turǵyndaryn elektr jelisine qosymsha júkteme, aýanyń lastanýy da alańdatady.
Basylym aýylda qýattylyǵy jylyna 70 myń tonna qus etin óndiretin qasaphana qurylysy týraly áńgimeniń jyldar boiy jalǵasyp kele jatqanyn jazdy. 2017 jyly sol kezdegi Almaty oblysynyń ákimi Amandyq Batalov investorlarǵa barlyq qajetti qoldaýdy kórsetýge ýáde bergen.
