Foto: egemen.kz
Talǵar aýdany, Tuzdybastaý aýylynda mas adam 15 jastaǵy qyzyn pyshaqtap óltirdi, dep habarlaidy Ult.kz Jagdai kz telegram arnasyna silteme jasap.
Týystarynyń aitýynsha, 10 qarasha keshke ákesi asúige kirgen kezde qyzy sonda bolǵan. Aralarynda janjal týyp, mas kúiinde er adam pyshaq alyp, qyzǵa 16 ret soqqy jasap, bet-júzin tilgilep tastaǵan. Qyz oqiǵa ornynda qaza tapty — úide odan basqa eshkim bolmaǵan.
Er adam esin jiǵan soń, týystaryna ózi habarlasyp, bolǵan jaitty moiyndaǵan. Buǵan deiin ákesi men qyzy arasynda jii janjal bolyp júretin — qyz ákesiniń ishimdikke áýestiginen uialyp, birneshe ret politsiia shaqyrǵan. Er adam muny kóńiline alyp qalǵan. Keiin ol politsiia bóliminde bir týysyna:
«Ol meni alqash dedi. Sodan keiin ne istep qoiǵanymdy túsinbei qaldym. Bári kózime buldyrap ketti», — dep aitqan.
Kúdikti ýaqytsha ustaý izoliatoryna qamaýǵa alyndy. Qylmystyq is qozǵaldy. Marqumnyń anasy politsiia jumysyna kóńili tolmaitynyn aitty. Týystary qyzdyń jeke derekterin jariialamaýdy surady.
